قد انارَ العِشقُ لِلعشـّاق مِنهاجَ الهُدا
سالکِ راه حقیقت عشقه ائیلر اقتدا.
بؤیوک فضولی

یاز ناریْن-ناریْن آددیملاریله یئتیشیر، یازیْن یئتیشمه‌سی گؤزل‌لیک‌لری داها آرتیْق گؤزه چاتدیرماق دئمکدیر.
نئجه‌کی بو بایاتی‌دا دئییلیر:
باهار یوْلدان گلیر گۆللو-چیچکلی
گئییب دیر بیر یاشیْل دوْن چوْخ بزکلی
سازیْندا بیر گؤزل قیْز سؤیلر ائللر
ایلیز آیدیْن اوْلا سوفراز چؤرکلی.

" عشق " یاشاییشین ان گؤزل دویغوسو، ان دیرلی وارلیْغی دیر. سیزلره یاشام بوْیو اۆرک دوْلوسو عشق دیله‌ییرم.

اوُمورام اۆزوموزه گلن گۆنلرده هامیمیز سئوینج دولو آنلاری یاشاییب ساغلیقلا یاشاما دوام وئرک.

یا رب منی سن عالمه سر تاج ائتمه
هم سفله‌لرین تیرینه آماج ائتمه
یا رب منه بیر گنجِ قناعت وئر کیم
نامرد دگیل مَرده ده محتاج ائتمه.
نسیمی

آنا دیلیمیزی یاشادیب، آنا وطنی سئونلره عشق اولسون.
بایرامینیز قوتلو، گۆنلریز بیری-بیریندن گؤزل اولسون