پووئست(پووئست) دانیشیق، تحکیه دئمکدیر.حادیثه‌‌لرین تصویر اوصولو باخیمیندان پووئست‌له حئکایه‌ آراسیندا بیر یاخینلیق وار. بونا گؤره‌ده ادبيات‌شوناسلیقدا پووئسته بعضن بؤیوک حئکایه‌ ده دئییرلر. لاکین معین خوصوصيتلرینه گؤره پووئست حئکایه‌دن فرقله‌نیر. همین خوصوصیت‌لر آشاغی‌داکی‌لاردان عبارتدیر:

پووئست روس دیلینده دانیشیق، تحکیه، ناغیل ائتمک معناسیندا ایشله‌نن «پووئست‌وووانیئه»(پووئستوووانیئ) سؤزوندن‌دیر. پووئسته بعضن بؤیوک حئکایه‌ دئییلیر. چونکی پووئست‌له حئکایه‌ بیر- بیرینه یاخین ژانرلاردیر. حئکایه‌دن فرقلی اولاراق، پووئست‌ده بیر یوخ، بیر نئچه احوالاتدان بحث اولونور و تصویر اولونان صورت‌لرین سایی دا حئکایه‌ده‌کی صورت‌لرین ساییندان بیر نئچه دفعه چوخ اولور.
ج. مممدقولوزاده‌نین «داناباش کندی‌نین احوالاتلاری»،
ا. ولی‌یئوین «گولشن»،
م.حسین‌ین «کین»،
م.جلال‌ین«داغلار دیله گلدی» و س.اثرلری آذربایجان ادبياتیندا پووئست ژانری‌نین گؤزل نمونه‌لری حساب اولونور.
پووئست‌ده اوبرازلارین سایی حئکایه‌ده ایشتیراک ائدن‌لرین ساییندان خیلی آرتیق، حیات حادیثه‌‌لری‌نین احاطه‌‌ دایره‌سی‌گئنیش،صورت‌لرین تصویری داها دولغون اولور‌.
مثلا، جلیل مممدقولوزاده‌نین «پوچت‌قوتوسو» حئکایه‌سینی «داناباش کندی‌نین احوالاتلاری»اثری ایله موقایسه‌ ائتدیک‌ده بیرینجی‌ده اوبرازلارین(نووروزعلی، خان، پوچت ایشچی‌سی) سایی‌نین ایکینجی‌ده‌کی اوبرازلاردان(محمد حسن‌عمی، اونون اوغلو، خدایار بَی، زینب، اونون اوغلو ولی‌قولو، قیزلاری فیضّه و زیبا، کربلایی جعفر، آخوند و س.) قات-قات آز اولدوغو آیدین گؤرونور. آذربایجان ادبياتیندا ایلک پووئست میرزه فتحعلی آخوندووون «آلدانمیش کواکیب»اثری ساییلیر.

"کؤچورگه پراقرامی" ایله کؤچورن و ائدیت ائله‌ین: ارسطو مجرد