آنا صحیفه یازارلار |
ادبیات تئوریلری
بولاق شعیر و مدنیت درنهیی
یانسیتما قورامی-۱(نظریهی بازتاب)
ادبیاتدا یانسیتما قورامی
یانسیتما قورامی، ادبیات اینجهلهمهلری اوزهرینده یاپیلان ایلک تئوریک دهیرلندیرمهدیر. ارسطونون mimesis (تقلید) مفهوموندان آدینی آلان بو قورامین تمل اصوللاری دا یئنه ارسطونون پوئتیکاسیندا یئر آلیر.
آنجاق "آینا" کلمهسیله ایفاده ائدیلن بو یانسیتما اصطلاحی، اؤنجهلیکله افلاطونون دولت دیالوگوندا قوللانمیشدیر. افلاطون بو اثرینده رسسامین و تراژدی شعرینین گؤردویو ایشی، دونیایا بیر آینا توتماق اولاراق ایفاده ائتمیشدیر.
ادبیات، هونر نهیی آینالار؟ یانسیتما ندیر و یانسیتیلان ندیر؟ بو سواللارین جوابی ایسه فرقلی یوزایللرده فرقلی شکیللرده اورتایا قویولموشدور. هونرین گئرچکلییی یانسیتدیغی قبول ائدیلیر. فقط بورداکی گئرچکلیک ندیر؟ افلاطونون و ارسطونون گئرچکلیک آنلاییشی قیساجادا اولسا تانیملاماسی گرکمکدهدیر.
افلاطونا گؤره اساس گئرچکچیلیک دونیادا دئییل، ایدهآللار عالمینده تاپیلیر. دولاییسیلا ایلک قبول ائدیلن هونر آنلاییشی؛ هونرین گؤرونگو دونیاسینی یانی فئنومئنلر عالمینی یانسیتدیغیدیر. چونکو هونرمندین ایدهآللار عالمینی یانسیتماسی مومکون اولمادیغی اوچون، یاپدیغی شئی گؤرونگو دونیاسینی یانسیتماقلا سینیرلی(سرحدلی) قالاجاقدیر.
تاریخ
2019.07.21 / 12:23
|
مولف
Axar.az
|