"بولاق شعیر و مدنیت درنه‌یی"

یانسیتما قورامی-۲(نظریه‌ی بازتاب)

ادبیاتدا یانسیتما قورامی

افلاطون، انتزاعی بیر گئرچک‌لییی قبول ائدیر. افلاطونا گؤره کائناتین تملینده انتزاعی بیر "ایده-فیکر" واردیر. او تمل‌دیر، مجازدیر، اساسدیر. دونیاداکی هر شئی، یارانیش مرحله‌سی بو عالمین ایلک کپی‌سیدیر. هونر ایسه کپی‌نین کپی‌سیدیر‌.

افلاطونون صدر آغاجی اوزه‌رینده مشهور دیالوگو بیزه اونون ‌هونر آنلاییشینی وئره‌ بیله‌جک اَن یاخجی اؤرنکلریندن‌دیر.

گِلاوکُن ایله اولان دانیشما بو شکیلده‌دیر:

افلاطون: (...) ایسترسن بیر آینا آلَتینه، دؤرد بیر یانا توت. بیر آندا یاپدین گئتدین گونشی، اولدوزلاری، اؤزونو، ائوین بوتون اشیاسینی، کیتابلاری، بوتون جانلی وارلیقلاری.

گِلاوکُن: هه، گؤرونور ده وارلیقلار یاراتمیش اولورام، آمما هئچ ‌بیر گئرچکلییی اولماز بونلارین.

افلاطون: یاخجی یا، تام اوستونه باسدین ایندی دوشونجه‌مین؛ چونکو بو جور وارلیق یارادان اوستالار آراسینا رسسام دا قویا بیله‌ریک دئییل‌می؟

گِلاوکُن:
قویا بیله‌ریک طبیعی‌کی.

افلاطون: یاپدیغی شئیین گئرچکلییی یوخدور دئیه‌جکسن، آمما رسسامین یاپدیغی سدر ده چئشید سدر دئییل‌می‌دیر؟

گِلاوکُن: هه، گؤرونوشده بیر سدر اونون‌کی دئ.

افلاطون: یا نجّارین یاپدیغی؟ بیراز اؤنجه دئمیشدین کی نجّار سدر ایده‌آسینی، یانی بیزجه اصلینی، اؤزونو یاپماز، بیر چئشیدینی یاپار.

گِلاوکُن: دئمیشدیم، هه.

افلاطون: سدر اصلی‌نی یاپمادیغینا گؤره، گئرچه‌یینی دئییل، گئرچه‌یینه بنزه‌ین بیر اؤرنه‌یینی یاپمیش اولور.
نجّارین، یاخود باشقا بیر اوستانین یاپدیغی شئی تام آنلامیلا گئرچکدیر دئیه‌ن ده آدلانیر بیر باخیما.

گِلاوکُن: اؤیله‌سه نجّار یاپدیغی ایشین، اصیل گئرچکلییین یانیندا سؤنوک قالاجاغینا هئچ ده شاشمامالی.(ص.۳۱۷)