سیاسی اخلاق سیاستین اخلاق یؤنلرینی و جهتلرینی یانسیدارکن (انعکاس وئررکن) اخلاق باشلیغی آلتیندا بیر فلسفی آنلاییش درک ائدیلر. بو آنلاییش هر هانکی بیر قونو و موضوعا یاناشیلارکن جامعه-ده ایشلک و رایج اولان گلنک و گؤرنکلری (عادت و عنعنه لری) نظره آلاراق ایفاده اولونار. سیاسی اخلاق مسئله سینده تعیین ائدیجی اخلاقدیر.

سونرا اخلاق اوزره دوشونمک منظور اولونار. بئله لیکله دوشونن انسانلار اؤز داورانیشلاری نین، عمللری نین سببلرینی گوونج و تأمین آلتینا آلارلار؛ بو داورانیش سیاست اوچون ده کئچرلی ساییلار. بو مسئله-ده یالنیز اخلاق و سیاست خدمتینده اولان اخلاق منظور دئییل، سیاستده اخلاق و ائتیک پرئنسیبلری، نورم حالینا گلمیش داورانیشلار (رفتارلار) یاناشمالار و فضیلته اساسلانان داورانیش طرزی ده اورتایا قویولار.

آرمانجیل و مطلوب اخلاق باخیمیندان سیاسی اخلاق مسئله سینه یاناشیلارسا، سیاسته داشینمیش ایستکلرین بیر چوخو واقعیتده یئنیلر و شکسته اوغرایار. بو باخیمدان سیاسی قضاوتلر قطعی اولاراق یالان، دوغرو، یاخشی یوخسا پیس قضاوتی دئییل، ترسینه اولاراق دوروم و وضعیته اویقون (مناسب) سیاسی چتینلیکلری آرادان قالدیرماق خدمتینده اولان قارشیلاشدیرمالی (مقایسه لی) بیر قضاوت اورتایا قویولار.

سیاسی اخلاق مختلیف هدفلر بؤلونرسه (او جومله-دن باریش، آزادلیق، عدالت)، او (سیاسی اخلاق) عملده اشتراک ائتدیگی شخصلرین ماراق داییره سینه، عموم چیخارلارینا و منفعتلرینه، توپلوم و اجتماع نین احوال روحیه سینه تابع توتولار.

گونوموزده سیاسی اخلاغین یانی سیرا اخلاق سیاستی ده طلب اولونار. آلمان سیاسی اخلاق فیلسوفو یورگئن مانئمانن نین دوشونجه سینه اساسا "سیاسی اخلاق" اخلاقی اکتیو ائده رک، اونو عکس ائتدیررکن دستکلر و تانیتماغا چالیشار.

قایناق: Jürgen Manemann: Plädoyer für eine aktivierende christliche Politikethik