سورقو: علی مطهری نین "اختصاص یک کلاس برای تدریس ادبیات اقوام مختلف در مدارس مانند ادبیات ترکی ایرادی ندارد ولی زبان رسمی کلاس‌های درس باید زبان فارسی باشد"(1) ایفاده سی نئجه آلقیلانمالیدیر؟

جواب: علی مطهری فارس حاکیمیتی نین مصلحت آیناسی اولدوغو اوچون تهران مجلیسینده مختلف ملی توپلوملارا منسوب اولان وکیللرین دیل و مدنیت مسئله لری اوزره دوشونجه لری نین انعکاسی اولماغا چالیشاراق فارسچانین رسمی، قانونی، آنجاق فارس اولمایان دیل و مدنیتلری غیر قانونی قلمه آلار. اوسته لیک فارس اولمایان ملی توپلوملارین یاساق و قاداغان ادبیاتلاری نین دا فارسلیق تمل و اساسیندا مطرح اولماسینی و بو مسئله یه سون قویولماسینی فارس ایستعمارچیلیغی اوچون ال وئریشلی دئیه قلمه آلار.