پیس معلم شاگیردینه حقیقتی چاتدیریر، یاخشی معلم ایسه اونو تاپماغی اؤیره‌دیر…

اونون بیزه دئدیینه گؤره، ان چوخ سئودیی ۳ شاعر وار: داهی فضولی، بؤیوک صابیر و خالق شاعری مممد آراز. دوشونوردوم کی، نیه درس زامانی داها چوخ بو ۳ شاعردن سیتاتلار گتیریر؟ «فضولی نه دئییردی؟..»، «صابیر اونا گؤره ده…»، «سن‌دن اؤتوب قارداشینا دی‌دی ائله»…

اگر یانیم‌دا کیم‌سه بو ۳ شاعردن بحث ائدیرسه، قئیری-ایرادی معلمیمیزین شئیری سسلندیرمه‌سی گؤزومون اؤنون‌ده جانلانیر. یاخشی، نیه بو ۳ شاعر؟

وورغون معلمله بو ۳ شاعری بیرلشدیرن ندیر؟

فضولی یارادیجیلیغی بوتوندور، قصورسوزدور، اونون بئیتلرین‌ده بیر سؤزو یئرین‌دن اویناتماق اولماز. صابیر بوتون عمرو بویو ازیله‌ن زومره‌نی، «یاتان» اینسانلاری غفلت یوخوسون‌دان هر وجهله اویاتماغا چالیشان دؤورونون بؤیوک ضیالی‌سی‌دیر. ساتیراسی قیلینج کیمی ایتی و ایلان زهریتک اؤلدوروجو گوجه مالیک اولوب. مممد آراز یارادیجیلیغین‌دا ایسه وطن، یورد آنلاییشی اساس تشکیل ائدیب، اونون وطن عشقی ایله یاشایان بیر شاعر اولدوغونون گؤستریجی‌سی اولوب.

وورغون معلم فضولی کیمی دقیق‌دیر. اونون دئدیی هئچ بیر سؤزون اوستون‌دن کئچمک اولماز. او، قوسورسوز، چوخ مؤوضودان خبردار، ضیالی‌دیر، ادبیات‌چی‌دیر.

صابیرله وورغون معلمی کسرلی ساتیریک فیکیرلری بیرلشدیریر. خالقین ریفاهی، روشوت‌سیز تحصیلی اوچون آتدیغی آددیملاری ایله سئویله‌ن وورغون معلم هم ساتیریک سؤزلری، هم سرت داورانیشی، هم ده مولاییم زارافاتلاری ایله طلبه‌لرینین سئویم‌لی‌سینه چئوریل‌دی.

اونون وطنه سئوگی‌سینی ایسه اونو تانییانلار بیرجه باخیشین‌دان، سؤزون‌دن آنلاییرلار. مممد آراز شعیرلرینی او جور حس و هیجانلا بیزیم وورغون معلم‌دن داها یاخشی هئچ کیم دئیه بیلمز.

او، دقیق، پرینسیپیال، ساتیریک، وطنپرور اولماقلا سئودیی ۳ نهنگین خاراکتریک خصوصیتلرینی اؤزونده جمعله‌ییب کی، بو، اونون بؤیوک بیر ضیالی اولدوغو آنلامینا گلیر. بیلنده کی، یئنی ادبیات معلمیمیز کیم اولاجاق، اونون باره‌سین‌ده قیسا بیر «آراشدیرما» آپارمیشدیق.

بیزدن اؤنجه درس دئدیی ۳۴ طلبه‌دن ۳۲-سینی کسمیشدی، بؤیوک گؤستریجیدی. آرامیزدا پیچیلداشیردیق:

«- بیلیرسینیز او کیم‌دیر؟ ایلک دفعه تست اصولو ایله قبولو یارادان شخص‌دیر. دئییرلر، اؤز دوغما باجی‌سینا بئله گذشت ائلمه‌ییب، باجی‌سی قیزینین عالی مکتبه گیرمه‌سینه شرایط یاراتماییب، هامیمیزی کسه‌جک…»

وورغون معلم اؤزونون تیمثالین‌دا معلم‌لیک پئشه‌سینین توخونولمازلیغینی، هر بیر اینسانین شرف و لیاقتله بو پئشه قارشی‌سین‌دا باش ایمه‌سینین موطلق اولدوغونو اؤیرتدی بیزه.

اعتراف ائدیم کی، بیزه اولان اعتبارین‌دان دولایی «کوپی‌یا» چکمکدن احطیاتلاندیغیم و بونو هئچ زامان ائتمدییم یئگانه معلم‌دیر. قویولموش قاداغالاری پوزماق طلبه‌چی‌لییه خصوصی رنگ قاتان نوانسلاردان بیری‌دیر کی، بو حض‌دن وورغون معلمین اعتبارین‌دان سوی-ایستیفاده ائتمه‌مک اوچون هر زامان یان قاچدیم.

او، طلبه‌لرینی حاضرا ناظر ائلمه‌دی: «گئت، آخوندوودان (میللی کیتابخانا نظرده توتولور) تاپ!»، «سیزه وسایتی وئرمیشه‌م»، «بو باره‌ده فیلان ماتریال‌دان داها گئنیش اوخویا بیلرسینیز»…

وورغون معلم آرتیق ۴ ایلدیر کی، بیزه حقیقتی تاپماغی اؤیره‌دیر.

او، بو گون اکثریت پئداقوقلارین باجارمادیغی بیر سئوگینی قازاناراق بوتون طلبه‌لرینین سئویم‌لی‌سینه چئوریلیب.

بوتون آودیتورییالاردا، اکثر ادبیات معلملرینه طلبه‌لری اونو نیشان گؤستریب، اوندان اؤرنک گتیریردیلر.

بئله معلم‌دیر بیزیم وورغون معلم.

سئویم‌لی معلمیمیز وورغون اییوب!

۶۰ یاشینیز مناسیبتی ایله سیزی تبریک ائدیره‌م!

۲۰۱۷-جی ایل.