ایسرایلین باش ناظری بنیامین نتانیاهو بازار ائرته‌سی ایرانی یمن ایستیقامتین‌دن ایداره اولونان راکتلرله ایسرائیلی هدفه آلماق ایستیین‌ده گناهلاندیریب.

او، قدس‌ده آمریکا مالییه ناظری ایستیو مانوچینله گؤروش‌ده آمریکا پرزیدنتی دونالد ترامپی ایرانا قارشی تضییقلری آرتیرماغا چاغیریب.

مانوچین ایسه ایسرایل باش ناظری ایله بیرگه مطبوعات کنفرانس‌ین‌دا ایرانا قارشی سانکسییالاری آرتیراجاقلارینا سؤز وئریب.

نتانیاهو دئییب: «ایران دقیق ایداره اولونان سورساتلار حاضیرلاماغا چالیشیر، بو راکتلر یاخین شرق‌ده ایسته‌نیله‌ن هدفی ۵-۱۰ متر ختا احتیمالی ایله وورا بیلر".

«اونلار بو سورساتلاری عراق‌دا و سورییادا یئرلشدیرمک و لیوانین ۱۳۰ مین‌لیک راکت آرسنالینی دقیق ایداره اولونان سورساتلارا ایستییرلر"،- دئیه او، علاوه ائدیب.

نتانیاهو قید ائدیب کی، «اونلار بو نؤع سورساتلاری یمن‌ده یئرلشدیرمه‌یه باشلاییب و بوندان مقصد، ایسرائیلی اورادان هدفه آلماقدیر».

مطبوعات کنفرانس‌ین‌دا چیخیش ائد‌ن مانوچین آمریکانین سانکسییالارینین مقصدینین "ایران خالقینا ضربه وورماق" دئییل، ایرانین بؤلگه اوچون یاراتدیغی تهدیدلره قارشی چیخماق اولدوغونو وورغولاییب.

ترامپ آدمینیستراسییاسینین "ماکسیموم تضییق کامپانییاسی"نین یاخین شرق‌ده "ایرانین آقرسییاسینین" قارشی‌سینین آلینماسین‌دا تأثیرلی اولدوغونو دئیه‌ن مانوچین علاوه ائدیب: «ترامپ آدمینیستراسییاسی "سانکسییالاری گئتدیکجه داها چوخ آرتیرماغا" داوام ائد‌جک، بونونلا بئله او، سانکسییالارین نؤعو و یا واختی باره‌ده معلومات وئرمه‌ییب.»