الده اولان بیلگیلره گؤره، بو ایل تورک اوخچولوق صنعتی یونسکو فهرستینده ثبت اوچون طرح اولاجاقدیر. بو هونر، اؤزللیکله آت چاپا- چاپا اوخچولوق و ایرلی گئدرک آرخا طرفه اوخ آتماق، تورکلر آراسیندا چوخ قدیم تاریخه مالیکدیر و تورک تاریخینده افسانوی اوخچولار آز دئییلمیش.

‎اوخچولوق صنعتی بوتون تورک ائللری آراسیندا یایغین اولدوغونا گؤره، بؤیوک اوخچولارا تورک خالقینین گئنیش جغرافیاسیندا توش‌گلیریک کی اونلارلا ایلگیلی شفاهی ناغیللار و ادبی کیتابلار یارانمیشدیر. باجاریقلی اوخچولاردان سؤز آچان اثرلردن بیریسی دده‌قورقود کیتابیدیر. بو کیتابین بیر چوخ ماهیر اوخچولاری قادیندیر. یانی بو هونر تکجه کیشی‌لره یوخ بوتون اینسانلارا عایید ایمیش.

‎بوگونلر، آذربایجانین بیر چوخ شهرلرینده تورک گله‌نکسل اوخچولوق یاریشمالاری ایجرا اولماقدادیر. بو یاریشدا اشتراک ائدنلرین آذربایجان میللی گئییملری، یاریشمالاری داها اورجینال شکیلده گؤستریر.

‎تصویر بو هفته مشکینده کئچیریلن گله‌نکسل اوخچولوق یاریشماسیدیر.