آنا صحیفه یازارلار |
سحردن تئزدن یوخودان اویانمیشدی یئنه بوگون. آناسینین حاضیرلادیغی صبحانه یی یئدیکدن سونرا اوخولا گئتمک اوچون قارداشی ایله بیرگه یولا دوشدولر. قارداشی یئنی اوخولا باشلیردی. آما آیدین بو ایل ایکینجی صینیفا گئدیردی. اوخول یولوندا قارداشی ایله صحبت ائدیردیلر.
آیدین! ایندی بیز اوخولدا تورکو اوخویاجاییق؟ آتام گئجه دئییردی بو ایدن هامی تورکو اوخویاجاق.
- فیکر ائلیرم ائله اولسون. خوش حالینا . چونکو کئچن ایل بیز فارسی اوخوردوق. من ده بیلمیره م تورکو دیلینده اوخول نئجه اولار.
اوخولا چاتدیقدان سونرا هامی اوشاقلار ایله بیرگه صفه دوردولار. سونرا اوخولون مودورو چیخیب اوشاقلارا خوش گلدین دئدی. داها سونرا هامیسی بیرلیکده آزربایجان میللی هیمنی نی اوخودولار.
آذربایجان سن سن منیم
حورییتیم شأن شؤهرتیم
آدین منیم اؤز آدیمدیر
سن سیز منیم نه قیمه تیم
آذربایجان آذربایجان
یاشا یاشا آذربایجان
هیمن اوخونارکن آیدین اوخولون مودورونون گؤز یاشلارینی سیلدیگینی گؤردو. اوخولون مودورونون بو ایشینه آنلام وئره بیلمسه ده ایچینده عجیب بیر هیجان وار ایدی.
قارداشینی صینیفا گؤندردیکدن سونرا اؤز صینیفینا گئدیب اوتوردو. معللیم کیلاسا گلیب الینده قوجاغینداکی کیتابلاری اوشاقلارا داغیتدی. آیدین کیتابی قاپاغینداکی باشلیغی اوخودو. آنادیلی یازیردی. سونرا کیتابی واراقلامایا باشلادی. ایچینده یازیلانلارین هامیسینی باشا دوشوردو. اونون او یاشا قدر اؤیرندیگی کلمه لرین یازیلمیش شکلی ایدی کیتابداکیلار.
بو اونون اؤز آنادیلینده ایلک درسی ایدی. کیلاسدا ایکن هئچ داریخمادی. سانکی کیلاسین بیتمه سینی ایسته میردی. ایلک دفعه کیتابیندا یازیلانلاری و کیلاسدا آنلاتیلانلارین هامیسی باشا دوشوردو.
تاریخ
2019.12.06 / 20:25
|
مولف
توماج اورمولو
|