ایران آدلانان جوغرافیادا سیاسی اقتصادی اجتماعی وضعیت اوقدر گرگیندیرکی هرآن احتمالی وار مختلف اولایلار اوز وئرسین سون اعتراضلاری نظرده آلساق گؤروروک بو اعتراضلار هرآچیدان کئچمیشده کی اعتراضلارلا تام آیریملیدیر.

دولتین ایچ و دیش سیاستلرینین یانلیشی سبب اولوب ایراندا یاشایان نوفوسون اجتماعی و اقتصادی شرایطی و کئچینه جه گی پیس و گرگین دورومدا اولسون بو عامیل سبب اولوب اتفاقلار سورعتله ایران دولتینین علیه اینه اوز وئرسین
ایران آدلانان جوغرافیا کثیرالملله بیر جوغرافیا اولاراق مللت لرین ایستکلری و سیاسی دوشونجه لری آیریملیدیر دییه بیر آلترناتیو یوخدور تام میللت لری واحید بیر قرارا گتیرسین، بو اوزدن ایران جوغرافیاسیندا یئنی سیستم قورولماسینین احتمالی چوخ آزدیر.

بونو ایران دولتینین تام مخالف لریده بیلیر و بو سبب اولوب آچمز بیر وضعیت یارانسین ایستر ایراندا یاشایان نفوسوا ایستر دولته ایستر اوپوزوسیونا .

بیز سیستمین دییشمه سینه راضی اولاق یوخسا اولمایاق ایراندا یاشایان نوفوس گرگین شرایطده قرار تاپیب و ایر ایران دولتی اقتصادی پیرابلیم لارین چؤزمه سینه چاره تاپماسا هرلحظه گئنل عوصیان اوز وئرمک احتمالی اولاجاق ،اوجورکو بیلیریک پان ایرانیستلر باشیندا مرتجع سلطنت طلبلر بوسقودا و کمین ده یاتاراق ایران جوغرافیاسیندا اوز وئرن هر بیر اولای و اعتراضی اؤز نفعلرینه مصادره ائتمه گه چالیشرلار .

بونلاری نظرده آلاراق ملی فعالارین بوینونا" تاریخی" و" عاجیل "بیر "گؤره و " دوشور

بو تاریخی وظیفه و مسئوللییت "ملی باریش و بیرلشمک دیر"

میللی حرکت خالقینین یانیندا اولوب ایزین وئرممه لیدیر "پان ایرانیستی" و "سلطنت طلب" جریان لار آزربایجان توده سینین دوشونجه سینه مینه رک بو بؤیوگ میللتین گله جه گین و سرنوشتین سئچیب ارتجاعی دؤوره آپارسین هابئله ملی حرکت مختلف اولایلاردا اؤز میللتینه صاحیب دورمالیدی بو عملین یگانه یولو "میللی باریش و بیرلشمکده" خلاصه اولور هر بیر آزربایجان قایغیسین چکن کیمسه هر بیر مللی فعال و هر طیفین و سلیقه نین گؤره ویدیر زامانین شرایطین حساس اولدوغون نظرده آلیب تکجه آزربایجانی دوشونوب مسئوللییت حس ائدیب اختلافلاری آرادان قالدیرماق و میللی باریش یاراتماق اوچون چالیشیب آددیم آتسینلار.