آنا صحیفه یازارلار |
اورمودا تورکلر چوخونلوق یا اکثریت اولدوغو حالدا قومی اقلیتلر آسوری ، ائرمنی و کوردلردن عبارتدیر دینی یا مذهبی اقلیتلر ایسه همن بونلار مسیحی و سنی آدلانیرلار.
بعضی افراطی و تروریستی داشناک و یا پژاک کیمی حزبلرین یانداشلارینا باخمایاراق هر حالدا بو توپلوملاردا اورمولو و آذربایجانلی وطنداش ساییلیر عزیز و محترمدیرلر.
اما اورمودا آیری ایکی مذهبی اقلیت حالیندا توپلومدا یاشاییر بلکه بونلار اکثریت کیمی تورک اولدوقلاری ایچون چوخدا اقلیت دئیلمیر اما هر حالدا مذهبی فرقلرینه گؤره اؤزل توپلوم گؤرونورلر.
بونلاردان بيرى گورانلاری آد چکمک اولار.
بو آذربایجان تورکلری حتی اکثریت شیعهلرله تملده مذهب باغلیلیغی اولسادا بئله آنجاق قوللاری فرقلی گؤرونور و مسجد - منبرلرى فرق ائدير.
اورمودا كورهسننو یا اصلینده گیرهسونلو آدلانان تورکلرده هر حالدا اؤزلرينه گؤره مشخص بير توپلومدورلار.
بو آذربایجان و اورمولو وطنداشلارین دین ، دیل ، سوی و کولتورو دیگر تورکلرله عینی اولسادا آنجاق مذهب فرقی گؤرونور بو اؤزلليك اونلارى بير مشخص توپلوم حالینه گتیرمیشدیر.
اورمودا بو ایکی تورک توپلومونون اؤزلليكله گیرهسونلولرین اجتماعی و سیاسی داورانیشلارینی مطالعه ائتمک دقت چکیجیدیر.
عمومیتده بوردا گیرهسونلو اقلیتی دیل و قومیتی لحاظدان تورکلره اما مذهبی لحاظدان کوردلره یاخین اولورلار.
بو انسانلارین ملی روحیهلری اویانیرسا
بويوك وطنپرور ملى شخصيتلر ، شاعرلر ، آشیقلار...آذربایجانا بسلهییب و اجتماعی-سیاسی فعالیتلریده بو یونده اورتا چیخمیشدیر
اما مذهبی گؤركمدن عملا باشلارى كورد ماموستالارينا باغلى اولور.
بو ملى و مذهبى ماراقلاردان دولايى خالقین بير تعدادی توركلره و بير تعدادی ایسه كوردلره ياخين اولور .
حتی یازیلمامیش بیر قایدا اولاراق چوخ گؤرموشم مثلا اورمودا شهر شوراسى سئچگیلرینده یاری تورک یاری کوردلره سس وئریرلر.
یئری وار آذربایجان ملی فعاللاری گیرهسونلو توپلوم و خالقی ایله داها گئنیش و صمیمی ایلگی قورسونلار و خود بو ائلدن اولان ضیالیلار اؤز کتد و توپلوملاریندا آرتیق ائتگی قویسونلار.
هر حالدا اورمو و آذربایجان گیرهسونلولری هابئله گوران یا اهل حقلری بویوک تورک میلتینین آیریلماز قول -قانادلاریدیرلار.
او قدر بویوک و چئشیدلی اشتراکلار قارشیسیندا بالاجا تفاوتلار کؤلگهده قالیر
بير جملهده دئسم :
" سؤز قونوسو وطندیرسه گئریسی تفرعاتدیر"
تاریخ
2019.12.10 / 16:18
|
مولف
حجت الهامی
|