اوگون گلیب چاتمیشدی. آزربایجان میللی مجلیسینده ۷۵ میللت وکیلی یئرینی آلمیشدی. آزربایجانین هر شهر و قصبه سینده اورادا میللت وکیلی وار ایدی. زنگاندان توت تا سرابا، اردبیله میانایا اورمویا سالماسا خویا ماکویا قوشاچایا... آزربایجان توم میللی وارلیغی ایله بو مجلیسده تمثیل ائدیلمکده ایدی.

مجلیسین آچلیشینی نظام الدوله رفیعی ائتدی. تبریز میللت وکیلی رحیم ولایی و خوی میللت وکیلی بیات ماکویی ده اونا منشی لیک ائتدیلر. قیامی جنابلارینین اؤنریسی ایله مجلیسین ایلک اؤنجه داخیلی نظامنامه سی حاضیرلاندی. بونون اوچون ده کئچیجی هئیت رئیسه سئچیلدی. ئیشه وری بو هئیت رئیسه نین باشیندا ایدی. نظنامنامه نی قیامی جنابلاری نظامنامه نی اوخویوب اونون بندلری حاققیندا دانیشیقلار گئتدی. بایگین قوروقچیان آزربایجاندا خارجه باخانلیغینین دا اولماسینی اؤنردی. او دئدی کی ایران درلتی بو گونه قدر آزربایجانی هر حئیثدن خرابه قویوب اونا بیر ماشین کارخاناسی تیکمه ییب. بونا گؤزه ده بیزیم گرک خارجی وزارتیمیز اولسون تا خاریجی دؤولتلر ایله مذاکیره ائدیب صنعتی شئیلر گتیرسین. بو اؤنری الهام جنابلارینین تنقیدی ایله قارشیلاشیب قبول ائدیلمه دی.

داها سونرا ئیشه وری میللی مجلیسین دائمی باشقانی اولاراق شبستری جنابلارینی اؤنردی. شببستری ۶۹ سس ایله آزربایجان میللی مجلیسینین باشقانی اولاراق سئچیلدی.

سؤزو شبستری آلدی: آزربایجانی گلجکده اداره ائتمک اوچون بیر دؤولت لازیمدیر. دموکراسی اصولینده قئد اولونودوغو کیمی بیزده مجلیسده اکثریته مالیک اولان حزبین صدرینی درولتی تشکیل وئرمه گه دعوت ائدیریک. پیشه وری جنابلاری دکوکرات فرقه سینین صدری بیزیم ان فعال، جیددی، صمیمی دوستلاریمیزداندیر. آزربایجانین آزادلیغی اوغروندا بؤیوک فداکارلیقلار ائدیب اونو آزربایجان میللی دؤولتینی قورماغا دعوت ائدیرم.

بئله لیکله گونئی آزربایجان مدرن چاغدا دموکراسی اوغروندا ایلک آددیمینی آتدی و میللی مجلیی ایله میللی دؤولتینی قوردو.
میللی دؤولتچیلیک گونوموز قوتلو اولسون.

یاشا یاشا آزربایجان