اذربایجانین أن گؤزل تاریخ صحیفه لری قورتاریلماز، درین، بیر خزینه دیر .بونو بیزدن آلماق ایستییرلر .بونو چیرکاب لاشدیرانلار وار.بیر میلتی نئچه بئله محو ائدیرلر؟
تاریخینه کؤلگه سالیب ، دیردن سالیب ، آرادان گؤتورولر .تاریخ یوخسا ، دملی ملت ده یوخدور ،بونو امینلیکله دئییرم،پان ایرانیست لرین اساس مفکوره سی بودور کی آذربایجانی تاریخی نوقطه نظردن بیر بیابانا ، و بیتمه میش بیر چوله دؤندرمگ ایسته سینلر. بونودا دشمن یوخ ،دوستا بنظر مانقورتلار ائله ییر .بیرسی تبریزین ۹۸ فایزینی آدام بیلمیر ، باشقاسی اردبیل دییه ،تبریزین قانین ایچیر ، دیگری حیران گدیگین(گردنه) ،گیلانا وئرمک ایسته ییر .بونلار تصادفی فیکیرلر دییل.

تاسفله اذربایجاندا خیانته بیر عیار یوخدور ،اونا گورا خایین لر خیانتده بیر بیرینن سیبقت و قاباغا دوشمک ایستییرلر.دوغرولوغون عیاری و دیواری آشاغی دوشوب، هئچ کس گوردوگو ایشه و دانشدیغی خیانت جمله لره گورا ، محکمییه جلب اولمور .یوخسا همرنگ کیمی بیر مانقورت بو راحاتلیغا و کیفی ایسته دیگی کیمی دانشماقا جرات ائتمز .بیزیم بوتون گوجوموز ،اوزوموزو تانیماقدادیر. بو حیس جمعیت و کوتله ده گوجلندیکجه دوشمن چاره سیز قالیب دالی اوتورمالیدیر. هر بیر مستقیل اینسان آنجاق اؤز گوجونه گووه نیر ،اما موستقیل گوچ ،اؤزونو تانیماقدان یارانیر .بیز هچ بیر یولو اؤزوموزه باغلاماما لییق .

بو گونلر تراختور تاخیمی یاخشی گونلر یاشامیر اما چتین گونلر بیزه چوخ اولوب بودا بیریسی اما بابک خرمدین دمیشکن اومیدسیز گونو اؤلمیب . چتین گونلر یاشییان اینسانلار ،ظفرین نه اولدوغون یاخشی بیلیرلر .هچ شوبهه سیز تراختور تاخیمی یئنه قوقنوس کیمی اؤزونو یارادیب و قاباغا ایره لییه جک بونا تام امینم .تراختور اوتماسادا ،فرق اتمیر او سوملی بیر تاقیم و تیم اولاراق قالمالییدیر .هر چند من توپچو دئیلم اما تراختور منی مجبور ائدیر توپا ریغبت گوسترم . اساس اودور کی تراختورون یانداشلاری ریغبتنن دوشمسین لر بو هامیمیزا یئتر.