سحری واهیمه‌لی خبرله آچدیم. عمیم اوغلو زنگ ائدیب دئدی کی، بس، بابا الین‌ده توفنگ دوشوب کندین جانینا، کیمی‌سه آختاریر، دئییر، او اجلافی گؤره‌ن کیمی گوله‌له‌یه‌جه‌م.

دیک آتیلدیم، هیجانلاندیم... نه باش وئردیینی اؤیره‌ننده ایسه ایکیمیز ده گولمه‌یه باشلادیق.

دئمه، میلت وکیللری نامیزدلردن بیری کنده گلیب، ننه‌می قوجاقلاییب اؤپوب. بو دا همین واخت مال-قارانی یولا سالان بابامین قولاغینا چاتیب. بئله‌جه کیشی مینیب آتین بئلینه، توفنگینی آلیب علینه، دوشوب اوغوز ائلینه کی، هارداسان، آی نامیزدین بیری نامیزد!

طبیعی، بیزیم توپلوم‌دا آغساققالا، آغبیرچه‌یه همیشه حؤرمت و سئوگی اولوب. غریبه‌دیر، هئچ کیم یادین آتا-آناسینی، عمی-دایی‌سینی اؤزونه دوغما بیلمیر، اما بوتون ننه-بابالاری اؤزونونکو بیلیر. بورادا قریبه بیر باغ، کولت وار.

اما بو ننه-بابا سئوگی‌سی او دئمک دئییل کی، بوتون نامیزدلر کوتلوی شکیل‌ده کندلرین جانینا دوشوب، قوجا ننه‌لری بیر-بیر توتوب مارچیلداتمالیدیرلار.

مثلاً، سیز بو یازینی اوخودوغونوز مدت عرضین‌ده یئر کوره‌سین‌ده ۲۵ زلزه‌له باش وئردی، بیلل قئیتس ۱۵ مین دلار قازاندی، ۳۲۵۰ کؤرپه دونیایا گلدی، گونشدن کوسموسا ۶۰ میلیون تون مادده بوراخیل‌دی و ۱ نامیزد کوچه‌نین تینین‌ده قفیل یاخالادیغی ننه‌نی اؤپدو.

اینسانلارا، سئچیجیلره، وطنداشلارا سئوگی و قایغی گؤسترمیین داها مدنی و سیویل یولونو تاپماق لازیم‌دیر. یعنی ائی «اؤپوشلر کرالی» نامیزدلر، بئله صونعی یوللارلا سئچیجی سسی قازانماقلا ان یاخشی حال‌دا گولوش هدفینه چئوریلیرسینیز. اگر فئورالین ۹-دا میلت وکیلی سئچیله‌ن‌دن سونرا اؤپدویونوز ننه‌لرین پروبلئملرینی حل ائتمه‌سه‌نیز، او اؤپوشلردن سونرا الینیزی، دوداغینیزی برک-برک سابونلادیغینیزی دوشونجییک.

طبیعی، ننه‌لری حقیقته‌ن اؤز دوغماسی بیلیب اؤپوب-قوجاقلایان نامیزدلر، کئچمیش میلت وکیلی دا وار. اما نامیزدلر آراسین‌دا ائل‌لری وار کی، بیرجه دفعه ده یاش‌لیلارلا باغلی هان‌سی‌سا پروبلئمه دقت چکمه‌ییب. مثلاً، سوپورگه‌چی ننه‌لرین یول قزالارین‌دا هلاک اولماسینا بیر دفعه رئاکسییا وئرمه‌ییب، پروبلمین حلی حاق‌دا دوشونمه‌ییب...

بو یازینی یازان‌دا عمیم اوغلو یئنه زنگ ائل‌دی. دئدی، بس کندده ننه‌لره قاداغا قویولوب، هئچ بیرینی چؤله بوراخمیرلار. دئییرلر، چؤله چیخان بوتون ننه‌لری نامیزدلر توتوب اؤپور.

بو باره‌ده دوستوما دانیشان‌دا علینی جیبینه قویوب، قریبه طرزده گولوم‌سه‌ییب دئدی: «منیم ننه‌مین بختی گتیردی، بو گونلری گؤرمه‌دی».