نظر: "... دو زبان فارسی و عربی زبانهای خودی برای ترکان هستند و تاریخ ادبیات و فلسفه آذربایجان بر اساس این سه زبان (ترکی و فارسی و عربی) تشکل یافته است. اگر تاریخ ادبیات آذربایجان در هزار صفحه نوشته شود چندین صد صفحه آن مهر و نشان زبان فارسی را بر خود دارد و پارسی گویان آذربایجان ستارگان آسمان ادب فارسی بشمار می آیند "!

جاواب: انساندا یازیلی دیل بیلینجی و شعورو اولمادیقدا هر هانکی دیل و مدنیته اؤزونو تقدیم ائتدیگی و خدمت ائتدیگی اوچون منظور اولان شخص او دیل و مدنیتی اؤزونکو بیلمه سینه باخماراق او دیلین منطیقیندن یولا چیخدیغی اوچون او دیلین ادبیات خادیمی ساییلار. اؤرنک اوچون نظامی گنجوی اثرلرینی آغیرلیقلی اولاراق فارسچا یازماسینا، آذربایجان مشروطه حرکاتی و سیاستچیلری فارسچا یازیب یاراتدیقلاری اوچون اونلار یاراتدیغی فارسچا اثرلر آذربایجان تورکلوگونون ملی کیملیگی ساییلابیلمز. تورکلرین ایسلامیتی قبول ائتمکلری و امتچیلیک آدینا ایسلامیت و عربلیک و سونرا دا تورک شاهلاری نین دیوان دیلی اولموش فارسچایا تمکین ائتدیکلری ایله ایضاح ائتمک اولار.

بیلیندیگی کیمی قدیم تورکلر مستقیل الیفبایا مالیک اولدوقلارینا باخمایاراق مانی مذهبینی قبول ائتمکله آرامی، بودا مذهبینی قبول ائتمکله بوگون اسکی اویغور الیفباسی آدلانان الیفبانی و ایسلامیتی قبول ائتمکله عرب الیفباسینی اختیار ائتمیشلر.

مانی و بودیست مذهبلرینه عایید تورکچه یازیلمیش متینلر تورک وارلیغی نین خزینه سی ساییلماسینا باخمایاراق فارسچا و عربچه یازیلمیش متنلر تورک ملی کیملیگی نین گؤسترگه سی و نشانه سی دئییل، آنجاق بو الیفبالار تورکلرین کیم اولدوقلارینی گونوموزه داشیمیش بیر آراچ و وسیله ساییلابیلر.

بو باخیمندان بو عرب الیفباسیندا یازیلمیش تورکچه متنلر تورکلرین ادبیاتلاری نین آیریلماز بیر بؤلومو اولارکن عرب الیفباسی یازیلمیش فارسچا و عربچه ادبیات او دیللره عایید اولموش ادبیات ساییلار. او دیللره اؤزلرینی تقدیم ائتمیش تورکلر ده آذربایجان شخصیتلری اولدوقلارینا باخمایاراق منظور اولان دیللرین ادبیات خادمی اولموش شخصلر ساییلار.