آلینمیش مطلب:

آتابای فیلمینه چوخ چتین گون و چتین لحظه‌لرده باخا بیلدیم استرس، هیجان، قورخو، دِپرسلیک و. ایچینده بیر موللا دوستوم دئدی: چند تا بیلیت سینما دارم، فیلماش ترکی‌یه، حالشو ندارم برم... دوست داری بدم به شما.

دونیا وئریلن کیمی، تجریشه کیمی قاچا-قاچا سون دقیقه سینمایا تپیلدیک.

باشلانغیجیندا، جمله اویونچو آغریندان چیخجاق، دئدیم: ساغ اول هادی حجاز‌ی‌فر.

دالدان بیر خانیم دوستونا دئدی: ای بابااااا این چرا ترکی حرف میزنه؟.

استرسیم بیر آز دا چوخالدی!

یاواشجا دئدیم: هادی من اؤلوم ائله قوتار شرمنده قاییتمایاق هاااا.

گئتدیکجه یئریمده اوتورا بیلمیردیم... همیشه‌کی کیمی آغلاماقدان اوتانیردیم! فقط هردن گؤزلریمین یاشینی سیلیردیم... گؤزوم گؤینه‌ییردی، بیلمیرم نییه...

فیلم‌ده عاشقانه‌لیک، شاعرانه‌لیک، طبیعت، اورمو گؤلو، سئوگی، اعتراض و... و تکنیکی جهتدن او قدر حرفه‌ای و پیچیده ایش اولموشدو یاریدان او طرفه تئز تئز دئییردیم خواهشاً بوردا قوتارمایین هااااا
مه‌لقایا نه اولموشدو؟ نییه سیما گئتدی؟ جئیران کیمی سئویردی؟ نییه آتابای بو قدر استرسلی، عصبی و هیجانلی ایدی؟! نییه آغلایا بیلمیردی بو لامصب؟! ایکی ساعاتدان سورا، بیلمیرم نییه تئز قورتاردی فیلم؟!

دیک آیاغا دوردوم، بئری بؤرکومو باشیمدان گؤتوردوم، هامی چپیک چالیردی، من یاری قات اَییلدیم، اوجادان دئدیم: او اینانیلماز گؤزللییین حلالین اولسون نیکی کریمی.