سورقو: عباس تبریزیان امام الرضا و فاطمه المعصومه نین ضریحلری نقره اولدوغو اوچون، بو ضریحلرین "میکروبکش" اولدوقلارینی ادعا ائتمیش. بو ادعالار اوزره نه دئمک اولار(1)؟

جاواب: نقره نین ضد میکروب اولماق ادعاسی بیر مسئله، شفاعت مسئله سی باشقا بیر مسئله!

شفاعت مسئله سینی گوموش و نقره نین ضد میکروب اولماسی ایله ایضاح ائتمگه چالیشانلار ایستر ایستمز مذهبده تقدس مسئله سینی نهی ائتمیش اولارلار. بیلیندیگی کیمی شفاعت مسئله سی معصوم قلمه آلان انسانلار مذهبی فیقورلارا صدق ایله تاپینماق و یالوارماق ایله بو مسئله حلینی تاپار دئیه بیر ایضاح و توجیه اورتایا قویارلار.

گوموشون ضد میکروب اولدوغو ادعاسی ایسه، گوموشده اولان ضد میکروبلو خاصیتلر و صفتلر ایله توضیح وئریلمه لیدیر. بو اساسدا هرکس میکروب قاپارسا، باشاردیغی کیمی خسته لیگی علیهینه گوموش استفاده ائتمه سی شخصین خستلیگینی و مریضلیگینی درمان ائدرمیش!!. طب عالمینده گوموش آدلی بیر داوا و درمان بوگونه دک ائشیدیلمه میش و گؤرونمه میش.

گوموشدن اولان ضریحلرین ضد ویروس؛ او جومله-دن ضد کرونا اولدوغو ادعاسی ایسه، کرونا ویروسونون داریشان (مسر) خصلتی اولدوغو و عوامفریب عالم نمالارین الینی آچدیغی ایله ایضاح ائدیلمه لیدیر. دئمک، بو ویروس انسانلارین بیربیرلری ایله تماسدا اولدوغو ایله بیربیرلرینه داریشدیغی و حکیملر ده انسانلاری بیربیرلیندن آرا و مسافت آچماقلاری سفاریشینده بولوندوقلاری و بو ویروسون قارشیسیندا اماندا قالابیلجکلرینی عئلم اساسیندا ثابت ائتدیکلری نین ترسینه اولاراق "دفتر عباس تبیزیان" طب بیلیمی و عئلمی ایله مخالفت ائتدیگی اوچون جاماعاتی اینانج و باورلری اساسیندا استحمار ائتمگه و اونلاری اسارت زینجیرینده ساخلاماغا چالیشارلار.

تاریخده بئله ویروسلار چوخ اولماسینا و بللیرسیز سایدا انسانلارین اؤلومونه یول آچماسینا باخمایاراق انسان توپلولوقلاری یاشاماغا داوام ائتمیش. دئمک، مسئله اصلینده ویروس دا دئییل، انسانلارین ساغلام دوشونمکلری و توپلومو داریشیچی (مسر) ویروسلار قارشیسیندا قوروماقلاری اساس ساییلمالیدیر.