هر توپلومون بیر آیدنیلیق دوشونجه سی واردیر. آزبایجان توپلومو دا تاریخسل اولاراق بو آیدینلیق دوشونجه سی ایله اون دوققوزونجو یوز ایلین سونلاری و ییرمینجی یوز ایلین باشلاریندا تانیش اولموشدور. نه یازیق گونوموزده آزربایجان آیدینلیق تاریخینی آنلادان قاپساملی بیر چالیشما یوخدور. بئله بیر چالیمشمانین بوشلوغو گونوموز سورونلارین چؤزومونده اؤنملی رول اویناردی.

مشروطیت دئوریمینه یول آچان و آرازین اوتاییندا اولوشان دوشونسل دئوریم و آزربایجانلی لیغین استانبول قولو و تبریز آیاغی قاپساملی و قورامسال اولاراق بیر چالیشما گره کدیرمکده دیر. تاریخسل اولایلاریمیزین آرخاسیندا یاتان آیدینلیق دوشونجه سی گونوموزده آنلاتیلمادیقجا بیز ساده جه حماسی سؤیلم لر ایله مباریزمیزه دوام ائده جه ییک.

بو چرچیوه ده آزربایجان آیدینلیق تاریخی یازیلیب توپلوما سونولمالیدیر. بیزیم بوگون سیاسی سورونلاریمیزین یانی سیرا توپلومسال سورونلار ایله قارشی قارشی یاییق . اللی ایللیک شاهلیق دؤنمینده و قیرخ ایللیک جمهوری اسلامی نین رسمی سؤیلملری بیزیم توپلومو دریندن ائتکیله ییبدیر. البته بو ائتکیلر بیر سورون اولاراق قارشیمیزا چیخماقدادیر. بو سورونلاری آشماق اوچون محمد امین رسولزاده، علی میسیو، فریدون ایبراهیمی، پیشه وری ... کیمی آیدینلاریمیزین دوشونجه لرینه گئری دؤنمه لییک