ایندی ایسه آوروپانین اؤزونه گلن و آوروپادان دا بیزیم طرفلره آدلایان کوروناویروس ته‌دی‌دی و اوندان مدافعه تدبیرلری حاقین‌دا...

عمومدونیا سهییه تشکیلاتی آذربایجانین بو بلا ایله آپاردیغی مباریزه‌نی بینیر و بو تهلوکه‌یه گؤستردیی ساوادلی، متشکیل مقاومتی ان یاخشی نومونه‌لر سیراسین‌دا قید ائدیر. بیر نئچه گون اول اوپئراتیو قرارگاه خصوصی معلوماتلا چیخیش ائتدی. آرتیق ۱۴ مارت ۲۰۲۰-جی ایل ساعت ۰۰:۰۰-دان اعتباراً اؤلکه اراضی‌سین‌ده بعضی سوسیال ایزولیاسییا تدبیرلری حیاتا کئچیریلیر.

بو مدعانین ساده دیله ترجومه‌سی بئله‌دیر کی، گئدیب دوکانلاردان بوتون اون و تاخیل احتیاطلارینی آلمایاق، ۱۰۰ مین عدد شام، ۲۰ مین باش ساریمساق، نه بیلیم، ایکی تون مئیوه قوروسو، ۲۵۰ کیلو بوزلاشدیریلمیش بالیق، ۵۰ جوت، ۱۰۰ جوت ۶۸ اؤلچولو آیاق‌قابی، بیر چؤرک یئرینه ۱۵ چؤرک آلیب، چورودوب، خراب ائدیب، ایته یئم ائتمیک. ناراحات اولمایاق.

اولا، ارزاقلا هئچ بیر پروبلئم یوخ‌دور. ایکینجی‌سی ده تویلار دا یوخ‌دور، شادلیق زاللاری باغلانیب. دئمه‌لی، ارزاغین، خصوصیله ات-یاغ کیمی محصوللارین اساس آلیجیلاری دا اورتادان چیخیب. ۱۰ ایللیک قیامت تداورکو گؤرمیک. نوه بابامیزین گمی‌سینه «مورواغزال»دا، «مورق واغزال»دا بیلئت آختارمایاق. دونیانین آخیری باره‌ده فاکس گلمه‌ییب. بیر آز اؤزوموزو دوشوک کیمی آپارمایاق. عاییبدی ائ...

دؤولت همیشه یانیمیزدا اولوب. یئنه ده یانیمیزدادیر. بیز ده اونون یانین‌دا اولاق. بیر-بیریمیزه کؤمک ائدک - یاش‌لییا، ایمکان‌سیزا. بس ایلده رمضان تعلیمی کئچیردیک؟ نه اولدو؟ بو چتین‌لیکدن ائله چیخاق کی، صاباح فرد اولاراق بیر-بیریمیزین، خالق اولاراق ایسه دؤولتیمیزین گؤزونون ایچینه دیک باخا بیلک. اولان-قالان ماناتیمیزی آپاریب دلارا چئویرمیک.

من او فیکیرله ده راضی دئییله‌م کی، بو ساعت هامینی ساکیتلشدیرمک اوچون «ناراحات اولمایین، دوللاریمیز چوخ‌دو، هامییا چاتار» و س. دئیک. تلسمیین، گئدین، راحت دوللار آلین. داریخمایین، صبیر ائدین، هامینیزا دوللار چاتاجاق. بو، بئله‌دیر البته! اما بو لازیم‌دیرمی؟ آخی نیه دییشمه‌لی‌سیز کی؟! بیر آز سونرا اونو یئنی‌دن ماناتا دییشیب دوکانا گئتمیجییک؟ نه قیردی-قاچدیلیقدی بو؟ قاچقین اولماق‌دان یورولمادیق؟..