Axar.az
یوخاری
3 اییون 2020


کورونایا گؤره چوخ ساغ اول، الله!

آنا صحیفه یازارلار
12 Punto 14 Punto 16 Punto 18 Punto

سلام، الله!

منی ماراقلاندیرمیر کیم سنه اینانیر، کیم اینانمیر.

کؤرپه‌لیک‌دن سنی تانیمیشام و ایندی سنه یازیرام.

نیه یازیرام؟

اصلین‌ده موختلیف واختلاردا، موختلیف مؤوضولاردا سنه یازا بیلردیم. چونکی سنینله دانیشماق ایستدییم سای‌سیز مؤوضولار وار. اما قیسمت بو گونه ایمیش.

اوجقار بیر کندده، ایتیرمک، یوخ اولماق قورخوسو ایله آناسینا سیغینان بیر قیزین سنه دئمک ایستدیکلری وار. یگین کی، ائشیدرسه‌ن.

نئجه یوخ اولوروق؟

دونیانین، آداملارین حالین‌دان یقین کی، خبرین وار!

گؤرورسه‌ن‌می، حیات نئجه داوام ائدیر، پروسئسلر نئجه جرهیان ائدیر، آداملار نئجه دییشیر، نئجه وهشیلشیر، نئجه یوخ اولور؟!

گؤروروسه‌ن‌می، بورادا هر شئیین قیمتی وار! آداملارین یاراتدیغی و پول آدلاندیردیقلاری کاغیذ پارچاسی وار – ایندی حیات اونونلا ایداره اولونور. ایندی هیسسلر ده اونونلا آلینیر، اونونلا ساتیلیر. ایندی آداملار پوللا دانیشیر، پوللا سوسور. اونا گؤره ساواشیریق، اونا گؤره محاربه‌یه چیخیریق.

بوردا قارداش باجی‌سینی قوماردا دوستونا اودوزور. بوردا آتا اؤز قیزینا تجاووز ائدیر، قادین بده‌نینی ساتیب، آدینی طبیعی احتیاج قویور. اؤولاد آناسینی اؤلدورور؛ اینسان حیوانلا جوتلشیر؛ یازدا قار یاغیر...

یگین گؤرورسه‌ن دونیا نئجه سیلکه‌لنیر. اینسانلار (سنین یاراتدیقلارین، یاخود هر نسه) نئجه یوخ اولور، دیرلر نئجه محو ائدیلیر.

بیر ده... بوتون بو بدبخت‌لیکلرین اوستونه «کوروناویروس» آدلی دهشت گلیب. هان‌سی کی آداملار بیر-بیرلرینی یولوخدورور، اؤلدورور.

بو، سلاح‌سیز ساواش‌دیر. بورادا یانلیز بیر طرف وار. ساواشان دا، اودوزان دا بیردیر – اینسان.

دونیا کوروناویروس آدلی بو بلانین آغوشون‌دا بوغولور - قوروماق ایستیرکه‌ن،اؤلدوروروک.

آداملار یئتیم قالیر، کیم‌سه‌سیز قالیر. آنا اؤولادی ایله، باجی قارداشی ایله اونسیت‌دن چکینیر، آتا اؤولادینا توخونماغا قورخور.

هه، بیز یئتیم قالمیشیق. یئتیم قالیریق...

عینی یئره گؤندردیین، بیر سما آلتین‌دا یاشایان فرق‌لی دیللرده دانیشان فرق‌لی رنگ‌لی، فرق‌لی دین‌لی اینسانلار ایندی بیر ویروس اطرافین‌دا بوتؤولشیب. ایندی چین‌لی ده، آلمان دا، یهودی ده، روس دا بیردیر – ساده‌جه اینسان.

ایندی هامی بیر دیل‌ده دانیشیر، ایندی هامینین بیر دینی وار – کورونا.

بیلیرسن، حیات‌دا ان آخماق هیسس‌دیر چاره‌سیزلیک. تسووور ائت، «یاشاماق اوچون چؤله چیخما» دئییله‌ن آتا هر گون ائوین‌دن چیخماغا مجبوردور، آنا علین‌ده سوپورگه کوچه‌لره دوشمه‌لی‌دیر. یاشاماقچون یئرپولو اؤدییریک بوردا. تورپاغینی دا، سویونو دا پولنان ساتیرلار بیزه.

تئخنولوگییا بیزی جنگینه آلیب. ایندی میلیون کیلومئترلرله اوزاق‌دا اولان بیر عزیزینه یالنیز تئلئفون، اینتئرنئت واسطه‌سیله باخا بیلیرسن، ائشیدیرسن، اما... توخونا بیلمیرسن. آداملار اونسوز دا داریخماق هیس‌سینی اونوتموش‌دولار. ایندی ایسه بوتونلوکله تئخنولوگییادان آسیلیییق. داها دا روبوتلاشیریق. لیدئرلر گؤروشلرینی اونلاین کئچیریر، آداملار ایشلرینی ائوده‌ن ایداره ائدیرلر.

نهنگ شیرکتلر تاب گتیرمیر، اقتصادیات محو اولور.

دونیا لیدئرلری بیر آرایا توپلاشیب، ویروسلا موباریزه یوللاری آختاریرلار. نتیجه ایسه - گون‌ده مینلرله اینسان هلاک اولور.

داوام ائدیم‌می؟..

هامی اؤلجیینی بیله‌رک، یاشاییر.

ایندی ایسه وضعیت فرق‌لی‌دیر، آداملار اؤلمک‌دن یوخ، یوخ اولماق‌دان قورخور...

ویروس‌دان اؤل‌نلرین مئییتینی سیرالانمیش یوک ماشینلاری ایله داشیییرلار. یان‌دیریرلار، کول ائدیرلر...

رقه‌ملر دهشته گتیریر.

آغلایاراق ایمداد دیله‌یه‌ن ویروس داشیییجیلاری وار – من باخا بیلمدیم سونا کیمی، اما سن باخ، نه اولار، سن باخ!

کورونانین بیزه اؤیرتدیکلری...

بو بلایا گؤره هم ده تشککور ائتمک ایستییرم سنه.

اونا گؤره کی، بیزه بیر-بیریمیزدن داها دیرلی هئچ نیین اولمادیغینی ثبوت ائتدین.

گؤستردین کی، بشریت مین ایللردیر بوشونا ساواش ائدیرمیش، قان تؤکورموش.

ثبوت ائتدین کی، سورییادا کؤرپه‌سینین مئییتینی قوجاقلایاراق آغلایان آتانین سسینی ائشیت‌می‌سه‌ن؛ یان‌دیریلان دوه‌لرین ناله‌سینی، دؤیوله‌ن، تحقیر ائدیله‌ن، ایشگه‌نجه وئریله‌ن آزیاش‌لیلارین «الله»دئیه چیغیرتی‌سینی ائشیت‌می‌سه‌ن.

اؤیتدین کی، اصلین‌ده کیچیک بیر مولئکولون کؤلگه‌سین‌ده ایتیب-باتان آزیخ آدامیییق. هان‌سی کی، ایللردیر بون‌دان خلاص اوچون بیر سیستئم بئله قورا بیلممیشیک.

مئساژینی آلدیق: جاهیللیین، یالانین، آزغینلیغین باش آلیب گئتدیی بو دونیادا آرتیق هیه‌جان تبی‌لی چالینمالی ایدی.

دئییرلر، چوخ شئی دییشه‌جک، دونیا یئنی‌دن قورولاجاق. بلکه یئنی‌لنمه اوچون دویمه‌نی سیخان دا ائله سن اولموسان.

ایندی سنین وارلیغینا اینانماق اوچون ثبوت آختارانلاری بوش وئر.

بو کیچیک مولئکول دونیا دیرلرینی دارماداغین ائدیر.

بیزی یالنیز سن خلاص ائده بیلرسه‌ن!

اما بو دفعه دونیا دوزه‌نینی اؤزون قور – اینسانلارین قوردوقلارینی گؤردوک...

تاریخ
2020.03.28 / 22:36
مولف
تورانه مممدلی
شرح لر
دیگر خبرلر

فضای مبهم رسانه ای در بازداشت رئیس شورا شهر تبریز...

بیزیم اوشاقلیغیمیز او گون دفن اولون‌دو

انتظارات شهروندان تورک از نمایندگان تورک مجلس

"یول": دؤردونجو بؤلوم

یاغیگری صورت حسین اوف در زمان مرحوم ائلچی بئی

هم می‌کشد هم مجلس ختم برگزار می کند!

‍ هیچکس مقدس نیست!

نمونه‌‌هایی دیگر از نفرت پراکنی سایت و کانال آذریها و عوامل خود فروخته آن

ارتش ,۱۲۷ هزار نفری رضاشاه و حمله متفقین

و اما فراكسيون نمايندگان آذربایجان

خبر خطّی
 
Axar.az'da reklam Bağla
Reklam
Bize yazin Bağla