ویروس‌لا آرانیزا مسافه قویمانیز یئتمز، جاهیل جسارتی ایله آرانیزا مسافه قویون!

- اینسانین جسارتی نه قدر درین‌سه، نئجه‌سیزلییی (کیفیت‌سیزلییی) نه ‌قدر بؤیوک‌سه، اؤزونه گووه‌نی او قدر یوکسک اولور.
- بیلگینی آشاغیلاییر.

- ایستر اوزای آراجی، ایستر اورانیوم ذخیره‌سی، قونو نه اولورسا، هر قونونو بیلدییینی، حتی ان یاخجی بیلدییینی سانیر.
- گرچه‌یی اوزونه باغیر، اؤزو کورو کورونا ایناندیغیندان باشقا بیر گرچه‌یی قبول ائتمز.

- برک قافا برک مرمردیر؛ پروفسورلار هئییتی توپلا، بونا ۲۴ساعات آنلاتسینلار، ۲۴ ساعات سونرا سانکی دووارا آنلاتمیشلار کیمی، اؤز بیلدییی‌نین دوغرو اولدوغونو ادعا ائدر.

- هر مقامی اؤزونه حاق گؤرر، ائییتیم، دونانیم (چشیدلی مقام‌لاردا و یئرلرده چالیشماق)، لیاقت، هئچ اؤنملی دئییلدیر، یاپا بیلیرم‌می دئیه دوشونمز، هانسی قولتوغو گؤستریرسن گؤستر، یاپا بیله‌جه‌ییندن امین‌دیر.

- اؤزو کیمی دوشونمه‌ین هرکس، مطلق خطالی‌دیر.

- ثابیت فیکیردیر آمما، فیکیره فیکیرله قارشیلیق وئرمه‌یه‌جه‌یینی بیلدییی اوچون، اؤزو تکین دوشونمه‌یه‌نه باغیرار، حقارت ائدر و یامان دئیر.

- هئچ بیر سورونا قارشی ان آز حاضیرلیغی بیله اولمادیغی حالدا، هر سوروندا هر احتیمالی حسابلامیش کیمی داورانار.
- اوست‌لرینه قورخاق و یالتاق، آلت‌لارینا ظالیم‌دیر.

- بو گون آق دئیر، یارین هئچ اوزو قیزارماز، قارا دئدییینه آند ایچر.

- ساتورن دونیایا چارپسا، هر کسین گؤردویونو، اؤزو ده گؤردویو حالدا اینکار ائدر، سیزی ده گؤرمه‌دیینیز قونوسوندا اقناع ائتمه‌یه چالیشار، اقناع اولمازسانیز، سیزی یالانجیلیق‌لا، گرچه‌یی دانماق‌لا سوچلار.

- یاشام بویونجا هئچ بیر قونودا ان آز بیر باشاریسی بیله اولمادیغی حالدا، باشاری‌سیز اولدوغونو هئچ قبول ائتمز.
- قارشیسینا چیخان سئچه‌نک‌لرده، هر دؤنه یانلیش سئچدییینه باخمایاراق، اؤز قرارلاری‌نین نتیجه‌سینده یانلیش سونوجلارا وارماسینا رغمن، اؤز یانلیشینی قبول ائتمز.
*
دانینگ- کراگر سندومودور بو
*
تورکجه‌سی...
جاهیل جسارتی‌دیر.
*
باخین...

گزیجی آراشدیرما شیرکتی کرونا ویروس‌لا باغلی آراشدیرما یاپدی. هر اون کیشی‌دن دؤردو ان آز بیله اؤنلم آلمادیقلاری اورتایا چیخدی.

نیه اؤنلم آلمیرسینیز؟- دئیه سوردولار. ایکی تور یانیت وار:
بیرینجیسی، "یاخیندا حل اولار!" دییرلر.
ایکینجیسی، "منه بیر شئی اولماز!" دییرلر.

هر اون کیشی دن دؤردو!!!

ویروس‌لا آرانیزا مسافه قویمانیز یئتمز، بونلارلا آرانیزا مسافه قویون.