نظر: "شیعه دین و مذهبی است که از یک جریان سیاسی ساده در زمان عثمان شروع شد و بعدا مخصوصا از طرف ایرانی ها تبدیل به دینی متفاوت جهت انتقام گیری از مسلمانان ( اهل سنت) گشت البته امامان مخصوصا امام جعفر تقیه ( صادق) هم در گسترش این تفکر افراطی شیعه خیلی نقش داشتند".

جواب: شیعه آنلاییشی نین ایرانیت ایله ایلگی و علاقه سی اولمامیش. عثمان کیمی نفوذلو بیر خلیفه نین اؤلمه سی ایله عثمان زامانیندا شامدا مهم پوستلاردا اولان ابوسفیان اوغوللاری دا حاکیمیته یئریکلمگه باشلامیشلار. ابو سفیان اوغوللاری خلافتی علیندن گئری آلماق اوچون عثمان نین اؤلومونده علی طرفدارلاری نین بارماغی اولدوغو ادعا ائتمیشلر. علی و معاویه آراسیندا حاکیمیت چکیشمه سی و معاویه نین حکم وسیله سی ایله حاکیمیتی اله کئچیرمه سی، خواریجین اورتایا چیخماسی و علینی محرابدا اؤلدورمکلری علی یانچیلارینی داها دا سیاسیلشدیرمگه زورلامیش. میلیتان خوارج آخی نین تاریخده قلع قمع اولماسینا باخمایاراق شیعه حرکتی امام حسین نین کوفه شهرینه دعوت اولماسی و کربلاده قوهوم قارداشلاری و یاخین انسانلاری ایله بیرلیکده یزید قوشونلاری طرفیندن اؤلدورولمکلری شیعه لیگه یئنی بیر سندیت وئره رک انسانلارین احساسلاری یارالاندیغی اوچون شیعه حزبی نی بیر سیاسی و مذهبی مکتب ساحه سینه یوکسلتمیش. بئله لیکله عباسیلرین خلافت اوغروندا ساواشلاریندا شیعه لر ده عباسیلرین یانیندا یئر آلاراق امویلر علیهینه ووروشماغا و حاکیمیتی عباسیلره تحویل آلماغا چالیشمیشلار.

فارسلارین ابومسلم خراسانی آد وئردیکلری ابو مسلم خراسانی اصلینده خوراسانلی دئییل، المجیره بن سعد باشچیلیق ائتدیگی بیر شیعه سئکتی و قوورپونا کوفه شهرینده باغلی بیر شیعه اولموش و عباسیلر طرفیندن خراسانا گؤندریلمیش. بوتون شیعه لرین او زامانکی شعارلاری و سیاسی فعالیتلری "بوتون فعالیتلر آل هاشم" دئیه حیاتا کئچمیش. عباسیلر حکومته گلدیکدن سونرا دا شیعه لر، او جمله دن شیعه لرین امام موس الرضا آدلی معتبر شخصلری عباسی خلیفه لیگینده خراساندا مهم پستلاردا اولموشلار.