‌سقراط اؤلومه محكوم اولدوغو زمان حيات يولداشی اونا:

-ناحاق يئره اؤلدورولورسن، دئيه آغلاماغا باشلايير؛

سقراط ايسه دئيير:

ايسته‌­ييردين، حاقلی يئره اؤلدورولم!

دونيا نعمت­لرينه اهمّت وئرمه‌­ين،‌ ياشاييشی و فلسفه‌سی ايله مشهور فيلوسوف «ديوژئن»، بير گون چوخ دار كوچه‌­ده زنگين‌­ليگيندن باشقا هئچ نه‌­يی اولمايان لووغا بير آداملا توش گلير. ايكی‌­سيندن بيری چكيلمه­‌ديكده كئچمك ممكن دئييلدير.

مغرور زنگین، خوْر گؤردويو فيلوسوفا دئيير:

-« من بير سرسري­‌نين اؤنوندن كنارا چكيلمَرم»

ديوژئن، كنارا چكيلَرَك چوخ دينج بير شكيلده دئيير: من چكيلَرَم!

مشهور بير فيلوسوفا دئييرلر:

- ثروت آياقلاری‌نيزين آلتيندا ايكن نييه بو قدر يوخسولسونوز؟

او دئيير: - اونو گؤتورمه­‌يه اَييلمك لازيم­دير، من ايسه اَييلمَرَم.

قولاق‌لاري­نين بؤيوكلويو ايله مشهور اولان گاليله‌­يه دوشمن‌­لريندن بيری دئيير:

معلّم، قولاق‌لارينيز، بير انسان اوچون بير آز بؤيوک دئييلمی؟
گاليله دئيير:

دوز دئييرسيز، منيم قولاق‌لاريم بير انسان اوچون بير آز بؤيوكدور آمّا، سيزين قولاقلارينيز بير ائششك اوچون چوخ كيچيك­ دئييلمی؟

فرانسه حكومتي­نين رجاليندان بيری ناپئلونا بير محاربه ده تنقيد ائده­‌رك، بارماغينی خريطه اوزرينده گزديررك دئيير: - اوّلجه بورانی آلمالی ايدينيز، سونرا بورادان كئچه­‌رك او بيرينی ضبط ائتمه‌­ليدينيز، كيمی فيكيرلر سؤيله‌­يير.

ناپئلون : تماميله دوز بويورسونوز- بلی- اونلار هاميسی بارماقلا آلينسايدی من ده سيزين كيمی ائدرديم.

بؤيوك بير توپلانتی زمانی، گنج بير اوغلان محمد عاكفی آلچاتماق اوچون دئيير: - باغيشلايين، سيز بايتارسينيزمی؟ محمد عاكف اؤز وقارينی پوزمادان بئله جواب وئرير: بير يئرينيزمی آغرييير؟

سلطان سليم بير چوخ عثمانلي شاهلاری كيمي هجوم ائده­‌جك اؤلكه‌­نی ياخين‌لاريندان گيزلی ساخلارميش. بير دفعه هجوما حاضيرلارشاركن، وزيرلری‌نين بير چوخ اصرار ايله هارايا هجوم ائده­‌جكلرينی سوروشور. سلطان سليم اونا دئيير: سرّ ساخلاماغی باجاريرسانمی؟ وزير دئيير: -بلی، حكمداريم باجاريرام. سلطان سليم دايانمادان دئيير: - من ده باجاريرام.

بير فيلوسوفا دئميشلر: شانسا (شانس) اينانيرسينيزمی؟

فيلوسوف: - بلي، يوخسا سئومه‌­ديگيم انسانلارين باجاريق و نائيليّتينی نه ايله ايضاح ائدرديم.

سلطان آلپ ارسلان 27-مين نفرليك بير اوردو ايله بيزانس تورپاق‌لاريندا ايره­‌لي­لَركن، كشفه گؤندرديگی بير عسگر حضورونا گليب و دئيير: سلطانيم، بيزانس اوردوسو 300-مين عسگرله بيزه دوغرو گليرلر. آلپ ارسلان اؤزون اوتوزمادان، دينج بير شكيلده دئيير:‌- بيزده اونلارا ياخينلاشيريق.

مسجيدده وُعظ ائدن بير واعظه دئييرلر: ميزره! آت نالينی ائويميزين قاپيسيندان آسيرساق،‌ بيزه اوغور گتيريرمی؟

ميرزه دئيير: -منجه يوخ. او نال‌لاردان هر آت­دا دؤردو وار آمّا، سحردن آخشاما دك قامچيلانير.

مشهور يازيچی كازانتزاكيس، بير قوجايا نه­‌يه باخيرسان دئيه سوروشدوقدا، قوجا گؤزلرينی باخديغی آخار سودان آييرمادان بو جوابی وئرير: -حياتيمی سئير ائديرم، آخيب گئدن حياتيمی.