کوروناویروسون بوتون دونیادا سرعتله یاییلدیغی، اون مینلرله اینسانین اؤلومونه یول آچدیغی هر کسه معلوم‌دور. چاره‌سی هله ده تاپیلمایان بو خستلیین نه قدر داوام ائدجیی، بشریتین بو ویروسلا موباریزه‌ده قالیب گلیب-گلمیجیی بو گون اوچون بل‌لی اولمایان حقیقتلر سیراسین‌دادیر. لاکین کوروناویروس تهلوکه‌سینین میدانا چیخدیغی ایلک گون‌دن تورک دونیاسینین آتدیغی بیر سیرا آددیملار تورک اینسانین ساده‌جه اؤز تالئیینه دئییل، بوتون بشریتین تالئیینه نئجه هسساس و دویارلی موناسیبت بسلدیینی اورتایا قوی‌دو.

خستلیین میدانا چیخدیغی و بؤیوک ایتکیلره یول آچدیغی چینه ایلک یاردیم گؤندره‌ن دؤولتلردن بیری محض آذربایجان اولدو. آذربایجان طرفین‌دن چینین میئنیان شهرینه ۱۰۰ مین ادد بونئ، ۴۰ مین ادد ماسکا، ۱۰۰ مین ادد ایستئریل الجک، ۱۰۰ مین میللی لیتر ایسپیرت، ۱۰۰ مین ادد باخیل، ۵ کیلوقرام خلورامین (توز)، ۱۸۵۰ تابلئتکا خلورامین گؤندریل‌دی کی، بو دا تیبی لوازیماتلارین جدی چاتیشمازلیغی ایله اوزلشه‌ن چین اوچون مینللره اینسانین خلاصی دئمک ایدی. بو گونلرده آذربایجانا ۵۰۰۰ کوروناویروس تئست دستی هدییه ائد‌ن چینین اؤلکه‌میزده‌کی سفیری قو مینین بو و دیگر کؤمک‌لیکلره گؤره اؤلکه‌میزه بیر داها تشککور ائتمه‌سی دؤولتیمیزین و خالقیمیزین هومانیزمینه وئریله‌ن قیمت حساب اولونا بیلر.

اؤلکه‌میزین کوروناویروسلا موباریزه مقصدی ایله ایرانا ۵ میلیون دوللار مبلغین‌ده مالییه یاردی‌می گؤسترمه‌سی ده، بوتون دونیانین اؤلوم-دیریم موجادیله‌سی آپاردیغی دونیامیزدا چوخ آز راست گلینه‌ن هومانیست آددیملاردان بیری‌دیر.

قارداش تورکییه‌نین کوروناویروسون بؤیوک اینسان ایتکی‌سی یاشاتدیغی ایتالییا و ایسپانییایا تیببی لوازینات دولو تییاره گؤندرمه‌سی ده ساده‌جه تورکییه‌نین دئییل، بوتون تورک دونیاسینین آدینا قوروروئریجی بیر آددیم‌دیر. فران‌سا و آلمانییانین ایتالییانین کؤمک چاغیریشینی جاواب‌سیز قویدوغو، اونا تیببی لوازیماتلا باغلی هر هان‌سی یاردیم گؤسترمدیی حال‌دا، تورکییه‌نین هر هان‌سی چاغیریش‌سیز بو اؤلکه‌یه کؤمک ائتمه‌سی تورک اینسانینین بؤیوکلویون‌دن، هومانیزمین‌دن خبر وئریر. بو گون قاراباغ پروبلئ‌می یاشایان آذربایجانین، سورییادا آنتی-تئررور عملیاتی کئچیره‌ن، پکک تئررور تشکیلاتی ایله موباریزه آپاران تورکییه‌نین قرب‌دن شرقه دوغرو بیر نئچه اؤلکه‌یه گؤستردیی بو دستک سؤزون حقیقی معناسین‌دا تورک دونیاسینین، تورک اینسانین نؤوبتی تاریخی فداکارلیغی‌دیر. و آوروپانین بو فداکارلیغا موناسیبتی ۱۰ یاشین‌داکی ایتالییالی بیر اوشاغین دیلین‌دن سس‌لنه‌ن میننتدارلیق‌دا اؤز عکسینی تاپ‌دی.

بو فداکارلیغین اؤن‌مینی آرتیران دیگر بیر عامل هم آذربایجان، هم ده تورکییه‌نین اؤزونون کوروناویروسا قارشی جدی موجادیله وئردیی، آدیچکیله‌ن اؤلکه‌لرده ده تیببی لوازیماتا احتیاجین آرتماسی‌دیر. تورکون چینی کؤورل‌دن، ایتالییانی گؤز یاشلارینا بوغان بو یاردی‌می تورک اینسانینین یاشاماق ایستیی ایله یاناشی، هم ده یاشاتماق ایستیین‌دن خبر وئریر. و بوتون بونلار عرب موتفککیرلرین‌دن بیرینین مشهور ایفاده‌سینی یادا سالیر: «فداکارلیق او دئییل کی، سن منه احتیاجیم اولدوغو شئیی وئریرسن. فداکارلیق اودور کی، سن منه ائله بیر شئیی وئریرسن کی، اونسوز اؤتوشمک سنین اؤزون اوچون ده چتین‌دیر».

تورک دونیاسینین بو گون ائتدیی، محض بئله بیر فداکارلیق‌دیر. ساده‌جه تورک اینسانینا دئییل، بوتون دونیایا، بوتون بشریته صاحب چیخماق، اونو خلاص ائتمک فداکارلیغی...

بلی، فداکارلیق تورکون آلین یازی‌سی، ایلاهی میس‌سییاسی‌دیر. اونلار دونه‌نین، بو گونون و صاباحین خیلاسکارلاریدیرلار. تورک بشریتی بعضی زامانلاردا قیلینجی و قالخانی، بعضی زامانلاردا سؤزو و علمی، بعضی زامانلاردا ایسه پایلاشماق و یاردیملاشماق باجاریغی ایله خلاص ائدیب. اؤلومون هر کسین قاپی‌سینی دؤیدویو بیر مقام‌دا تورکون ساده‌جه یاخین قونشولارینی دئییل، اوندان مین کیلومئترلرله اوزاق‌لیق‌دا یئرلشه‌ن خالقلاری بئله دوشونمه‌سی، اونلارین تالئیینه گؤره ناراحات‌لیق کئچیرمه‌سی، اونلارا یاردیم علی اوزاتماسی تورکون معنوی بؤیوکلویون‌دن خبر وئریر. و بوتون دونیانین بو بؤیوکلوک قارشی‌سین‌دا ائتمه‌لی اولدوغو یالنیز بیر شئی وار: دیز جؤکمک و ائهتیرام گؤسترمک!