آنا صحیفه یازارلار |
بوگونکو ۲۹ بهمن بولواریندا یئرلشن پیکریه باغیندا سونرالار توت باغی، بیرده ۲۹ بهمن خستهخاناسی تیکیلدی. ایندیکی سو ادارهسی و رادیو-تئلویزیون تشکیلاتی یئری ده او زامان شهرین نامازگاهی ایدی، قورولوق ایللرده اورادا یاغیش نمازی قیلیناردی.
تبریز بیلیمیوردو بوگون ۱۸۰۰۰-دن آرتیق اؤیرهنجیسی، ۵۰۰ نفردن آرتیق علمی هیئتی، بیر آزینین دونیادا و اورتادوغودا تایی اولمایان۲۰۰ عدد تخصصی آنالیز مرکزی، تاریخ و مدنیت موزهسی، حیوان بیلیم (جانورشناسی) مرکزی، یئربیلیم (زمینشناسی) مرکزی، اویدو گؤرونتولری ایشلمه مرکزی، آراشدیرما اینستیتولاری و مؤسسهلری ایله اؤلکه سویهسینده بؤیوک بیر اؤیرهتیم اورتامی یاراتمیشدیر.
آد قویما سورهجی
تبریز بیلیمیوردونون آدقویما سورهجی: ۱۳۲۵-نجی ایلده (بیلیمیورودونون قورولان ایلی) سیرا ایله «آذربایجان ملی دارالفنونی»، «آذربایجان خلق اونیورسیتهسی» و نهایت «آذربایجان اونیوئرسیتهسی» آدلانمیشدیر.
۱۳۲۶-نجی ایلده «تبریز بیلیمیوردو» و نئچه ایل سونرا «آذرآبادگان بیلیمیوردو»نا چئوریلدی. اسلامی انقلابدان سونرا یئنیدن «تبریز بیلیمیوردو»نا دهییشیلدی، داها سونرا «دانشگاه علوم پزشکی تبریز (تبریزین ساغلیق بیلیملر بیلیمیوردو) » اوندان آیریلدی.
بیلیمیورونون محوطهسی
تبریز بیلیمیوردونو یاپیلماقدا اولان گیریشی
بیلیمیوردونون محوطهسی ۱۳۲۸-نجی ایلده ۲۷۵ هکتارلیق دوزنگاهلیق بیر یئردن عبارت ایدی. شهرین دوغو حیصهسینده یئرلشن بیلیمیوردو شهرین قوزئییندهکی داغلارین آخار-باخاری ایله اوز-اوزهدیر.
بیلیمیوردونون قوزئی حیصهسینده یاشیل بیر محوطه بیتگیتانیما باغی کیمی ایشلنیر، گونئی حیصهده بیلیمیوردونون گلهجک گئنیشلنمهسینه یئر نظرده توتولوبدور. بینالار و اؤیرهتیم اورتاملارینین (فضالارینین) مساحتی ۳۲۳٬۸۹۵ مربع متر جیواریندادیر.
دانشکدهلر (فاکولتهلر)
اویقولاما فیزیک و اولدوزتانیما (استرانومی) آراشدیرما مرکزی
• فارس ادبیاتی و خارجی دیللر فاکولتهسی
• اقتصاد، یؤنهتیم و تجارت فاکولتهسی
• الهیات و اسلامی بیلیملر فاکولتهسی
• ایدمان و بدن ائییتیمی فاکولتهسی
• جغرافیا فاکولتهسی
• حقوق و توپلومسال بیلیملر فاکولتهسی
• بایتارلیق (حیوان طبی) فاکولتهسی
• ریاضیات فاکولتهسی
• کیمیا (شیمی) فاکولتهسی
• ائییتیم بیلیملری و پسیکولوژی فاکولتهسی
• دوغا بیلیملری فاکولتهسی
• الکتریک و کامپوتر فنی-مهندسلییی فاکولتهسی
• تیکینتی(عمران) فنی-مهندسلییی فاکولتهسی
• یئنی تئکنیکلر فنی-مهندسلییی فاکولتهسی
• مرند فنی-مهندسلییی فاکولتهسی
• مئکانیک فنی-مهندسلییی فاکولتهسی
• میانا فنی-مهندسلییی فاکولتهسی
• فیزیک فاکولتهسی
• اکینچیلیک فاکولتهسی
• اهر اکینچیلیک و دوغال قایناقلار فاکولتهسی .
تاریخ
2020.05.09 / 09:49
|
مولف
تورکجهیه چئویرن اکبر حمیدی علیار
|