اوچونجو بؤلوم

یورولمایاسان دئییب، بویومو اوخشایاندان سورا قوزولاری کوما ساری آپاریب، من ده بدنیم اینجییَر ائوه ساری گئتدیم. آیاق¬لاریم فیریق چیخمیشدی، ال¬لریم یارا- یارایدی، سودان باشقا بیرزاد یئییب- ایچمه میشدیم.

تئز ایسته¬ییردیم ال¬لریمی یویوب، ائوه گئدم، بیردن آتامین هارای- دادی قاوزاندی، "قوزو¬لارین آلتیسی هانی؟ هاردا قوردا وئردین؟ هاردا یاتیرتدین قالدی؟ هوشون هارادایدی؟" دئیه- دئیه ائوه گلیر، تئزه‌دن قارا قئیید جانیمی آلدی. آللاه من نه دئییم؟ آتام یئتیریب منی قوزو لارین شیوی‌یله برک ووروب، هئی ده سوروشور کی، "قوزو¬لار هانی؟" سوروشور، دؤنور شیو ایله ده برک وورور. من آتاما دئدیم:

- ووروما، دئییم. قوزو¬لار «میر¬موسی» نین داورینا قاریشدیلار، «میر¬موسی» دئدی کنده گلنده اؤتوررم ائوینیزه. گرچک دئییل‌دی، بلکه یالان دئییردیم، جانیمی کؤتک¬دن قوتارام. آما آتام ال چکن دئییلدی . گئجه بیرده آتام منی گؤتوروب، قارانلیقدا آج- آجینا، یارالی- یارالی داغداغانا ساری وورا- وورا آپاریر. کنددن داغداغانا یاخلاشیق بئش کیلومتر اولار. بیر بئله یولو منی وورا- وورا آپاریب، بولاغین باشینا یئتیشدیک.

آتام بولاقدان سو ایچیب، داغا ساری قاوزاندیق، او داغین اوجالیغی سانیرام ۲۵۰۰ متر اولار، یا دا آز یا چوخ. داغا چیخا- چیخا آتام سس¬لییر "میرموسی... میرموسی" ... جاواب وئرن یوخدو، هردن ده منه بیر سیلله ووروب، چیغیریر... داغین لاپ باشیندا بیر خرمن¬گاه کیمین یئر واریدی، اورا یئتیریب، یئنه آتام "میر موسی ... میرموسی" سس¬لدی. بیردن ایت¬لرین سسی داغا دوشدو. اوردا ایسته¬دیم اؤزومو قورخومدان جاب دان آتام. ایه «میرموسی» دئسه قوزو¬لار بوردا دئییل من نئیله¬مه¬لییم. او حال‌دا ایت¬لر بیزه ساری گلیب، آتام منیم الیمدن توتوب، اؤزونه ساری چکدی. ایت¬لرین دالسیجا «میر¬موسی» یئتیردی. آتام هیسلی- هیسلی "یورولمایاسان" دئییب، سوروشدو:

- میرموسی، قوزو¬لار سنین داوارلاری‌نین ایچینده دی؟ او آندا اؤلومو گؤردوم ..! میرموسی بیردن دئدی:

- هن منیم داوار¬لاریما قاریشمیشدی، کنده گلنده ائوینیزه اؤتوره¬جاغیدیم.

هرنه منیم یادیمدان چیخدی؛ آتامین وورماق¬لاری، اوشدو- اوشدو دا دوشمه ییم...ال¬لریمین- آیاق¬لاریمین یارا¬لاری، آجلیغیم، دئدیم بس دونیایه تئزه دن گلدیم ... بودور منیم اؤلوب و دیریلمه¬ییم...