"آتالار و اوغول‌لار" رومانی، روس یازاری، ایوان تورگینف-ین دونیا چاپیندا تانینمیش اولان اثری ساییلیر. تورگینف بو روماندا آتالارلا اوغول‌لار آراسیندا یارانمیش اولان فاصیله‌نی تصویره چکیر. آتالار ایله اوغول‌لار بیرلیکده یاشاسالار دا آیری-آیری دونیالارا، داها دوغروسو آیری-آیری دونیا گؤروش‌لرینه باغلی‌دیرلار. آتالار قورخاق‌دیرلار؛ محافظه‌کاردیرلار! آنجاق، اوغول‌لار قورخمازدیرلار؛ رادیکال‌دیرلار. یئنی دوشونجه‌لره هابئله یئنی ده‌ییشیک‌لیک‌لره آچیق‌دیرلار.

آنجاق، بوگون آذربایجانیمیزین بیر چوخ یئرلرینده، اؤزل‌لیک‌له ده دیلیمیزی هابئله وارلیغیمیزی قوروماق اوغروندا باشلادیغیمیز چالیشمالاردا، تورک آتالار ایله تورک اوغول‌لاری چییین-چییینه گؤروروک! دئمک، بو تورک "آتالار و اوغول‌لار"، روسجا یازیلمیش اولان "آتالار و اوغول‌لار"ی چالیشا چکیرلر!

"جعفر اسمعیل‌زاده" و اونون اوغلو "میلاد اسمعیل‌زاده"، "ایوان تورگینف"ین "آتالار و اوغول‌لار"ینی چالیشا چکن تورک "آتالار و اوغول‌لار"دان ساییلیرلار...