بئله بیر سیاسی فند مؤوجوددور: دیریلرین هیکلی قویولمور، آدینا کوچه وئریلمیر، ناعلیتلری ابدیلشدیریلمیر. چونکی، دئمک اولار، دونیانین هر یئرین‌ده هیکلی قویدوران، کوچه‌نی آدلاندیران حاکمیت‌دیر.

ساغ مشهور ایسه پارتلامامیش بومبادیر، او، هر آن مؤوقعینی دییشه بیلر. مثلاً، حاکمیته عکس مؤقع توتا بیلر، بو حاکمیته بؤیوک ضربه اولار. ان اساسی، ساغ آدامین آدی اونا گؤره ابدیلشدیریلمیر کی، او هله ساغدیر و هر آن قاتی جینایتکار، تروریست اولا بیله‌جک پوتئنسیالا مخصوص بیر جان‌لی‌دیر - اینسان‌دیر. بونا گؤره یاشایان مشهورلارین آدینین ابدیلشدیریلمه‌سی مسئله‌سی بوتون دؤولتلرده حاکمیتین یوز اؤلچوب بیر بیچه‌رک قرار وئردیی مسئله‌دیر.

شرق‌ده ایسه ساغ مشهورلا مرحوم مشهورا وناسیبت تکجه سیاسی ایدئولوژی موستویده دئییل، هم ده معنوی، فلسفی پلاست‌دا حل اولونور.

شرق‌لی تفکرون‌ده ایسته‌نیله‌ن اوغورلو آدام پوتئنسیال رقیب‌دیر. سانکی همین آدامین اوغور قازاندیغی یؤن‌ده بیرجه یئر وار، او دا یئددیباش‌لی اژداها بولاغا چؤکه‌ن کیمی همین یئره صاحب چیخیب. همین اوغورلو شخص موفلیس اولسا، بوتون ایمتیازلاردان محروم ائدیلسه، اونون یئری بوشالاجاق و بیزیم او یئره قالخماغیمیز اوچون شرایط یاراناجاق. بو تکبرلو تفکر اوجباتین‌دان شرق، قافقاز اؤلکه‌لرین‌ده اینتریقا داها کسکین‌دیر.

آتاسی محسون قدر اولماسا دا، یئترینجه اوغور قازانان ایران رژیسسورو سامیره مخملبالفین «گونورتادان سونرا، ساعت ۵...» فیلمین‌ده صحرایلا گئدن عائله قاطیری اؤلموش بیر قوجا افغانلا راستلاشیر. قوجا افغان اؤلکه‌نین اوجقارین‌دان پایتاخت کابیله گئتدیینی دئییر. او، ۴ آیدیر یول‌دادیر و آز اؤنجه قاطیری سوسوزلوق‌دان اؤلوب.مشقت‌لی یول‌دا آددیملاماسینین سببی ایسه شرق‌لی تکبرون‌دن آلایی بیر معنا وئرمیر: «اوسامه بین لادن یاخالانیب. اونو اؤزوموز جزالاندیرمالیییق، یوخسا آمریکایا تحویل وئرملیگیک؟ بو سوالا جاواب تاپماق اوچون سسوئرمه اولاجاق پایتخت‌دا. من ده گئدیرم، اؤز فیکریمی چاتدیریم اونلارا».

قوجا افغان اؤزونون اؤنملی آدام اولدوغونو حس ائتدیرمک اوچون ۴ آی صحرایلا یول گلیر، ظلم چکیر، قاطیری اؤلور...

شرق‌لی و غربلینین مقاییسه‌سین‌ده ایلک گؤزه چارپان جهت بیزیم لیدرلییه داها چوخ جان آتماغیمیزدیر. موسلمان اؤلکه‌لرین‌ده «ایکینجی»لیک دبده دئییل. وزیر اولماق ایسته‌یه‌ن یوخدور. هرچند ان چوخ ایش گؤره‌ن ده، اؤلکه‌نی ایداره ائد‌ن ده وزیردیر.

زلیلجه‌سینه بیرینجی‌لییه مبتلا اولماق بیزی تامام الده‌ن سالیب. طبیعی، بیرینجی اولماغی هامی ایستییر، بیزیمکی ایسه ایستک یوخ، خسته‌لیک‌دیر. هدفیمیز پروبلئمین حل اولونماسی یوخ، همین پروبلمی اؤزوموزون حل ائتمییمیزدیر.

«الله»لیغا جهد شرق اینسانینی خوشبخت اولماغا قویماماقلا یاناشی، اوغورلو آداملارا قارشی قیسقانج‌لیق، نیفرت ح‌سی یارادیر. مشهور عطریات‌چی موراد مسعودون تعبیرینجه دئسک، بیزیمکیلرین خوشبخت اولماق دردی یوخ‌دور، باشقالارینین خوشبختلیینی اؤزلرینه درد ائدیرلر.

بوتون اوغورلو آداملاری پوتئنسیال رقیب گؤرمییمیز اوجباتین‌دادیر کی، بیزده اینسانلارا اؤلندن سونرا داها چوخ دیر وئریرلر. دوزدور، بو تئندئنسییا - اؤلویه سئوگی هر یئره مؤوجوددور. بیزده ایسه سانکی اینسانلاری سئومک اوچون اونلارین اؤلومونو گؤزلییرلر.

شرق‌لیلر رحمت‌لیکلری ساغ اینسانلارا رغما اونا گؤره چوخ سئویر کی، اونلار حاقین‌دا کئچمیش زامان‌دا دانیشاراق هم ده اؤز یازی‌چی‌لیق، حکایه‌چی‌لیک یانغیلارینی اؤلدورور. بوتون یارادیجی‌لیقلارینی اؤلن اینسانلارین اوجاق یئرین‌ده قالاییر، تونقالا بیر آز دا گوپ آتاراق آلووو شؤللندیریر.

شرقلینین ایندییه، اینسانین اؤزونه دئییل، خاطره‌لره دیر وئردیینی، باش داشی ایله فئتیش یاشادیغینی هسساس‌لیقلا دویوب، باشقا مسئله‌لرده اولدوغو کیمی سؤزوگئ‌دن پلاست‌دا دا توپو دوققوزلوغا گؤندره‌ن شخص لوتفی زاده‌دیر – بیزیم دیل‌ده لطفی علسگرزاده.

ساغلیغین‌دا آذربایجان‌دان چوخ دا دانیشمایان عالیم وصیعتینه اویغون باکی‌دا دفن ائدیلدی. بو وصیعت یورد سئوگی‌سی ایله علاقه‌لی اولسایدی، او، دوغولدوغو بوزوونا کندینده دفن اولونماسینی ایسته‌مه‌لی ایدی. سؤزوگئدن وصیعت عالیمین ایتی زکاسی ایله باغلی‌دیر، او، بئینینین محصولونو آذربایجان‌دا، ایران‌دا اوغورلا تطبیق ائده بیلمه‌یه‌جکدی، چونکی اونون نظریه‌سی بیزه لازیم دئییلدی، فیرنگیستان‌دا اوغور قازانیب بیزه مشهور بیر مئییت گتیرمه‌سی واجیب ایدی کی، اونو دا لطفی زاده‌دن گؤزل کیمسه باجارمادی.

نهنگ عالیم بینینین بوتون محصولونو علمین قدرینی بیله‌ن اینسانلارا حواله ائتدی، مئییتینی خاطره‌لره دیر وئره‌ن بیزه تسلیم قیل‌دی.

لطفی زاده‌نین آناسی یهودی، آتاسی آذربایجان‌لی‌دیر. یهودیلر نسلی آنا خطی ایله داوام ائتدیردیکلرینه گؤره لطفی زاده‌نی یهودی حساب ائدیر، بیز ایسه عکسینه، اونو اردبیل‌لی رحیم کیشینین اوغلو کیمی سئویریک!

کالیفورنییادا "اینفورماسییا تکنولوگییالاری اوزره زاده اینستیتوتو" یارادیلیب.

باکی‌داکی قبرینین اوستون‌ده ایسه معتبر بیر عابده اوجالتمیشیق. نئاپول دایره‌سین‌دن اوزو بابک پروسپئکتینه گلن کوچه‌یه ده لطفی زاده آدینی وئرمیشیک.

باشقا نئیلملیگیک؟