آنا صحیفه یازارلار |
چئویریجی جاواد احمدی یئکانلی
توپلوموموز ائمکین قوسورسوز انسانلارا عایید اولدوغونو دوشونورلر، امما سونرادان بیلیرلر چابالامادان قوسورسوز اولا بیلمک، باهالیدیر.
قوسورسوز انسانلارین ایزیندن گدمک آیلار بویوجا بیزیم روحوموزو، بدنیمیزی و بئینیمیزی هابئله دویغولاریمیزی یئییب بیتیره بیلر.
چوخلو یاخشی انسانلارلا چالیشدیم، اونلار دیپرسیون، باغیملیلیق، یوخوسوزلوق و هابئله سورونلو ایلیشگیلر کیمی بیر چوخ سورونلاری و مشکللری واریدی. اونلار چوخ_چوخ اینجییردیلر.
بو انسانلار حیرسلنمزلر، ایستهمزلر بیریمجی اولالار و اوزلرینه بیر شئی ایستهمزلر. اونلار چوخاراق سرطان توتارلار امما ندنینی بیلمزلر.
بوتوو حیرسلنیری، کدرلرینی هابئله آرزیلارینی اوزلرینده قولویوب روحلارینین درینلیک لرینه گوندررلر.
اونلار سونومجو اولماغا ائگیتیم آلیبلار، یاخشی انسانلار بوجوردولار.
اونلارا چوخ چئتیندیر کیم اولدوقلاری بیلهلر و اوزلرینه قویدوقلاری قایدالاردان قورتولالار.
اونلار اوز سئوگیلرینه و محبتلرینه لایقدیرلر.
اونلار محبت و سئوگی ایسترلر و تام دا بونون اوچون اوز حیرسلنیری و اوزلرینی بئیینمیشلیکلرینه گورستمک ایسترلر.
بیزلر ایچیمیزده اوزوموزه عایید و بیر_بیریله اویوشمویان کاراکترلریمیز وار.
بونلار انسانلارین دویغولاری و هیجانلاری دیر.
گرهک بوتوو اولدوغوموزو، یاخشی_پس لری، آیدین قارا لاری، گوجلو_گوجسوز لری، صداقتلی یالانچی لاری قبوللاناق.
گوجسوز اولدوغونوزا اینانساز، گرهک گوجسوز ساندیغینیزین یئره گدهسیز و گوجو تاپاسیز. قورخو سیزی آلسا گرهک اوزونوزه مراجعت ائدیب جسارتی تاپاسیز. قوربانلیقسیز سا گرهک ایچینیزده اولان قوربانلیق وئرهنی تاپاسیز. بوتوو اولماق سیزلرین طبیعی حاققینیزدیر.
اورگینیزی آچیب آنلاغینیزی دئگیشدیرمک یئترلیدیر. وجودونوزون لاپ درین، قارانلیق و پیس بولومونوزه " من بویام" دئدیگینیز چاغ، گرچک آیدینلیغی تاپا بیلهجک سیز.
وجودونوزون قارانلیغینی قبوللاندیغینیز چاغ، آیدینلیغی بوس_بوتوو قوجاغینیزا چئکه بیلرسیز.
تاریخ
2020.07.09 / 19:47
|
مولف
دکتر فروغ رمضانی
|