هردن خالقیما، داها دوغروسو، اونون گناهکار حیصه‌سینه اوز توتوب سوروشورام:

- صابیری نیه ورملتدین؟ موشفیقی نیه ساتدین؟ بس رافیق تاغینی نیه اؤلدوردون؟ سید عظیمین مزارین‌دان نه ایستدین؟ بس آخوندزادنین جسدین‌دن؟

خالقیم طبیعی کی، سوسور. اوزین‌ده میرزه جلیلین کئفلی ایسکندری جاواب وئریر:

«اونا گؤره کی، اؤلن قارداشینیزین آروادینی آلمی‌سیز، اونا گؤره کی اؤلن دوستلارینیزین اوشاقلارینی ناخیرا گؤندرمی‌سیز».

سونرا صابیرین لیریک قهرمانی دیل‌لنیر:

«نیه بس بؤیله قارالدیرسان، آ قاره گؤزونو،
یوخسا بو آیینه‌ده ایری گؤرورسه‌ن اؤزونو؟!»

لاپ درینلردن نظامی گنجوی قاریشیر صحبته:

«اگر اوزون‌ده لکه وارسا، گوزگونو سین‌دیرما، اوزون‌ده‌کی لکه‌نی تمیزله».

...و نهایت، خالقیما، داها دوغروسو، اونون گوناهکار حیصه‌سینه اوز توتوب دئییرم:

«سنی سئوه‌ن اؤلدو، ظالم، خبرین وارمی؟!»