ایران‌دا اعتراض آکسییالارینین گئنیشله‌نمه‌سی، بوتون ایالتلره یاییلماسی ایله عینی واخت‌دا اسلام رسپوبلیکاسینین اؤلکه‌ده یاشایان خالقلار آراسین‌دا ملی زمین‌ده مناقیشه یاراتماق جهدلری چوخالیب.

خصوصیله شیمال-غرب بؤلگه‌سین‌ده بوندان اول رادیکال کورد تشکیلاتلاری طرفین‌دن تملی قویولموش مناقیشه‌نین سون واختلار قیزیشدیریلماغا چالیشیلماسی دقت چکیر.

سون آیلار بیر سیرا کورد سلاح‌لی قروپلاشمالاری و پارتییالاری اؤزلرینه مخصوص مئدیا اورگانلارین‌دا یئنی‌دن آذربایجانین سویوقبولاق (مهاباد)، تیکان‌تپه، بوکان، خانا (پیرانشهر)، سردشت شهرلرینی کردوستان شهرلری کیمی تقدیم ائتمه‌یه باشلاییبلار.

گونئی آذربایجانین ملی-سیاسی فعاللاری و قوروملاری حاضیرکی وضعیت‌ده رژیمه قارشی قوه‌لرین پارچالانماماسی و هدف‌دن یایینماماق اوچون تمکین‌لی داورانسالار دا، قونشو خالقین رادیکال نماینده‌لری یارانمیش وضعیتدن سوء-ایستیفاده ائتمک‌ده داوام ائدیرلر.

قونشو خالقی تمثیل ائد‌ن بعضی قوروملارین بو تیپ ادعالارینین تهران رژیمینین منفطینه خیدمت ائتمه‌سی، مرکزه قارشی چیخان قوه‌لرین پراکندلیینه سبب اولماسی ایله گونئی آذربایجان‌لی سیاسی فعاللارین چاغیریشلارینین چوخو جواب‌سیز قالیب.

اونلار غربی آذربایجان ایالتینین قرب و جنوب بؤلگه‌لرینی «کردوستان تورپاقلاری» کیمی قلمه وئریر، یئر آدلارینی و اینضیباطی اراضی بؤلگوسونو دییشدیریلمیش فورمادا گؤستریرلر.

ایران کردوستانی دموکرات پارتییاسینین رسمی مطبوعات اورگانی اولان «کوردمدیا» سایتین‌دا گئدن ماتریاللاردا داواملی اولاراق غربی آذربایجان ایالتینه قارشی اراضی ادعالاری ایر‌لی سورولور، ایالتین آدی تحریف ائدیله‌رک "اورمییه" کیمی تقدیم ائدیلیر.

سون اعتراض آکسییالارین‌دا غربی آذربایجان ایالتینین مهاباد(سویوقبولاق)، بوکان، تیکاب (تیکانتپه)، پیرانشهر (خانا) و قوشاچای شهرلرین‌ده‌کی نماییشلر "کردوستان شهرلرین‌ده اعتراض آکسییالاری" باش‌لیغی آلتین‌دا وئریلیر.

بو، ایرانین بیر سیرا رسمی دولت قوروملاری طرفیندن ده دستکلنیر و انضباطی اراضی بؤلگوسونه گؤره غربی آذربایجان ترکیبین‌ده اولان بیر سیرا بؤلگه‌لر کورد اراضیلری کیمی قلمه وئریلیر.

ایرانین دولت تلویزیاسینین رسمی سایتین‌دا مهاباد (سویوقبولاق) بؤلگه‌سی غربی آذربایجان ایالتینین اراضی‌سی کیمی دئییل، آیریجا بؤلگه کیمی تقدیم ائدیلیب.

خاریج‌ده و داخیل‌ده یاشایان بیر گروپ گونئی آذربایجان‌لی ملی-سیاسی فعال بونونلا باغلی یئنی مراجعت حاضیرلادیقلارینین و ایسلام رسپوبلیکاسینا قارشی داوام ائد‌ن اعتراض آکسییالارینی هدف‌دن یاییندیرماماق اوچون قونشو خالقین نماینده‌لری ایله دانیشیقلار آپارماغا حاضر اولدوقلارینی بیلدیریبلر.