جاواب: گونئی آذربایجان ملی حرکتی باشاریقلی اولماسی، اؤزونون مانور وئرمک قابلیتینی آرتیرماق اوچون انسانلارا ائتنیک گونئی آذربایجان تورپاقلاری اوزره گئنیش بیلگی وئرمه لی و تورک توپلومونو بیلگیلندیرمه سی بیرینجی آتاجاق آدیملاردان ساییلار.

دئمک، ائتنیک گونئی آذربایجان تورپاقلاری (قاراکیلیسا- پارساباد، همدان – قم دؤرت گئن و ضلعلری) ایچریسینده و بونلارا یاپیشیق توپراقلار "آذربایجان ملی حرکتی" نین اوزک و هسته سینی اولوشدورارکن بو توپراقلاردان اوزاقلاردا یاشایان ایران ممالیکی محروسه سی توپراقلاریندا یاشایان تورکلره ده ملی بیلینج آشیلاماغا و اونلاری ملی کیملیک و منلیکلری اطرافیندا سفربر ائتمگی هدف آلمالیدیر دئیه دوشونمه لی و بو دوغرولتودا دورمادان ایش قویولمالیدیر.

دئمک، فارس حاکیمیتی نین یئریتدیگی ایستعمارچی سیاست اساسیندا ائتنیک گونئی آذربایجان تورپاقلاریندان ایرانین باشقا ولایتلرینه ایش دالیسینجا دولاییلی اولاراق تورکلرین اؤزلری بیلمدن سورگون ائدیلمکلرینی نظره آلارساق بؤلوشدورولموش شرقی آذربایجان، غربی آذربایجان، اردبیل، زنجان ولایتلری اوزره آذربایجان ملی حرکتینی محصور ائتمک فارس ایستعمارچیلیغی نین کؤنلونچه اولاجاق بیر یاناشیم ساییلار. بو بوشلوغو دولدورماق بیرینجی آتیلاجاق آدیم ساییلمالیدیر.