یوخاری

‍ دیلینی، فرهنگینی قورومایانلار دونیاسینی ایتیرر

آنا صحیفه یازارلار
12 Punto 14 Punto 16 Punto 18 Punto

تاریخ بویونجا چئشیدلی شاه‌اثرلرین یازیمیندا قوللانیلان آنا دیلیمیز- تورکجه‌میز- وئریملی و وارسیل (غنی، زنگین) کئچمیشینه رغمن، یئترینجه ایشلنمه‌ییب، قُورونمادیغی اوچون، صاحب اولدوغو بالقوه گوج و یاراری، گونوموزده تانینماییر، بو گوجدن یئترینجه یارارلانیلماییر.

تورکجه‌نین گوجونو تانیمایان، بیلمه‌ین و یا قوللانمایانلار، اونو باشقا دیللرله قارشیلاندیراراق گوجسوز و یئترسیز بیر دیل کیمی گؤسترمه‌یه چالیشیرلار. آنلاتیم گوجونو، سؤزجوک وارسیللیغینی، گلیشمه‌ و یئنی‌لشمه پتانسیلینی گؤز اؤنونه آلمادان، یاخود گؤزآردی ائده‌رک یاپیلان بو قارشیلاشدیرمالار تورکجه‌نین علیهینه سونوجلار چیخارتماقدادیر.

تاریخی سوره‌جده (پروسه‌ده)، تورکجه‌نین اؤزگه دیل‌لردن ائتکی‌لنمه‌سی (تاثیر آلماسی)، دیلیمیزین یاپیسینی (ساختارینی) و ملتین او دؤنمده‌کی فرهنگی- سیاسی دورومونو بیلمه‌ین و یا بیلمزلیکدن گلن انسانلارا گؤره، تورکجه‌نین یوخسوللوغوندان، یئترسیزلیییندن ایره‌لی گلمکده‌دیر. تاریخ بویونجا اولدوقجا گئنیش بیر جغرافیایا یاییلمیش، فرقلی بؤلگه‌لرده چئشیدلی دؤلت‌لر قورموش اولان ملتیمیز، اؤز ایچه‌ریگی ایله بو بؤلگه‌لرده‌کی ملت‌لرله فرهنگی آلیش- وئریشده (تبادل فرهنگی) اولموشدور. بو ایلیشکیلر سونوندا کولتورده میدانا گلن دییشیم‌لر، فرهنگین داشیییجیسی، و ان مهم گؤسترگه‌سی اولان دیله ده یانسیمیش، تورک دیلی ایله بو ملت‌لرین دیلی آراسیندا چوخ یوخاری اورانلاردا آلیش- وئریش‌لر اولموشدور. تورک دیلی باشقا دیللر کیمی بیر چئشید د‌ییشیم‌لره اوغرامیش، آنجاق قُوروما قایغیسیزلیغیندان دولایی، اؤزگه ائتکی‌لره آچیق قالمیشدیر.

اؤزگه دیل‌لرین تورکجه ‌اوزه‌رینده نه‌دن ائتکیلی اولدوقلاری‌نین سببلرینی آراشدیریرکن، بوتون تاریخی، اجتماعی، سیاسی و فرهنگی فاکتورلار حسابا قاتیلمالی‌دیر. سورونا بو آچیلاردان (زاویه‌لردن) باخینجا، اؤزگه دیل‌لرین تورکجه اوزه‌رینده‌کی ائتکی‌لری‌نین سبب‌لری آراسیندا، «کولتور و دیل‌لرینی قوروماغا قایغیسیزلیق» و «یئنی کولتورلری، بوتون صمیمیت‌لری‌ ایله منیمسه‌مک» شکلینده خلاصه ائتمک اولار.

تاریخ
2020.01.14 / 21:41
مولف
Axar.az
شرح لر
دیگر خبرلر

نه آغلارسان، نه سیزلارسان، بیر دردی بئش اولان کؤنلوم...

تبریز دلیلری بیزی اؤزباشینا بوراخدی... – تبریزلی یازار

تبریزلیلره آچیق مکتوب: او کیشی کیمدیر؟

هیمنیمیزه غضبیمیز واردی، میزیلدانیردیق…

ارمنی تعصبو چکه‌ن «بایقوش» آذربایجانلیلار

ارمنیلر بو دعوتی قبول ائتمیرلرسه…

فاجعه اؤنوندییک: رژیمدن حاقیمیزی زورلا آلمالیییق!

سیز ۴۰ میلیونو اونوتموسوز – بایرامینیز مبارک

ارمنیلرین تهدید ائتدیی لو عسگروو وفات ائتدی

سلیمانی‌دن باکییا گؤره تهرانا سنساسیون اتهاملار

خبر خطّی
Axar.az'da reklam Bağla
Reklam
Bize yazin Bağla