Axar.az
یوخاری


چوخ دوزلوسونوز..... گۆلدوک

آنا صحیفه یازارلار
12 Punto 14 Punto 16 Punto 18 Punto

گده‌دن زهله‌م گئدیر آخاغینی(کانالینی) سانال دۆنیاسیندا آزدان ـ چوخ تانیییریق، بو آخاق میللتیمیزی گۆلدورمک آماجی‌‌لا ایشه باشلاسایدی دا، سون گۆنلر ایلک آماجیندان اوزاقلاشاراق، فارس شوونیزمی‌نین قوللوقچوسونا چئوریلیبدیر.

بو آخاق اۆیه‌ سایی‌سینی چوخالتماق اۆچون، تۆرک دیلینی لوغازا قویاراق، فارس دیلی‌ایله توتوشدورماغا باشلاییب.
آنجاق گۆنو ـ گۆنوندن آرتیق، دۆشونجه‌لی میللتیمیز ایچره ائله بو میللتین دسته‌گی‌ایله قازاندیغی یئری و گلیر قایناقلارینی(رئکلاملار یولویلا قازاندیقلاری پوللاری) الدن وئمک اۆزره‌دیر.
او آخاغین ادمین‌لری و دولاندیرانلاری بیر شئیی اونوتمامالی‌دیرلار، آذربایجانین میللتی اۆچون آنادیل‌لری قیرمیز جیزیقلاری ساییلیر و بو چیرکین ایشله منفورلاشماغا ساری گئدیرلر،
اؤرنک اۆچون یئنی یاییملادیقلاری پوستلاردا کیمین دیلی و چیرکین آماجلارینا قوللوق، کیمین‌سه دیلی و وارلیغینا خییانت ائتدیکلرینی، لاپ آچیق ـ آیدین گؤرمک اولور،
اونلار بو پوستلاری یازیب میللتی مثلا گۆلدورمک ایسته‌ییرلر آنجاق اؤزلری بیلیب ـ بیلمه‌دن بو دیلین گۆجلو قایدا ـ قوراللارینی بیلمه‌دن، دیلیمیزی و وارلیغیمیزی تحقیر ائتمک ایسته‌ینلره یئنی فورصتلر یارادیرلار و آغاجی اؤز ایچیندن قورد یئیر سؤزونون دۆز اولدوغونو ایثبات ائدیرلر.
او پایلاشیلان پوستلارین بیر نئچه‌سینی بوردا گتیرمک مجبورییتینده‌یم؛ ـ آنجاق چوخونون جاوابینی دا یازیرام بلکه دۆشونجه‌سیزلیکلرینه سون قویسونلار

۱. فقط ترکها قرص را می‌اندازند، بقیه قرص را میخورند
ـ بو سؤزو گۆلمه‌یه‌جه چئویرمک ایسته‌ین ساوادلی آدام!!! هله آنلاماییب قورص(حب) یئمه‌لی بیر شئی دییل، یئییلن بیر شئیی چئینه‌مک لازیم آنجاق حب کیمی شئیلری بیر آندا اۆسته آتارلار ائله، پس گؤرونور دیللرینه عاشیق اولوب قوللوق ائتدیگینیز فارسلار یانلیش دئییرلر.

۲. فقط ترکها درمیایند میروند، بقیه فقط میروند
ائله بوردا دا گئنه یانیلیبلار بو جۆمله‌ده تۆرکجه‌ده ائودن یا باغلی بیر یئردن حرکت ائتمک آماجیندا اولارکن ایشله‌نیلیر، ائودن چیخیم گئدیم
آنجاق فارسجادا ائله بروم دئییلیر.

۳. فقط ما ترکها می‌اندازیم درمیاوریم، بقیه فکر میکنند

ـ سالیب، چیخماق ترکیبی یوخلاماق و آغیر‌ ـ ‌یۆنگول ائدیب ایشین سونوجونا فیکیرلشمک دئمکدیر و بئله گؤزل بیر سؤزبیرلشیمینی بیری لوغازا قویسا بللی‌دیر دیلدن نه‌قدر بیلگیسی وار.

۴. فقط ما ترکها ساختمان را میدوزیم بقیه میسازند
ـ تیکمک سؤزونون آنلامی وصل ائتمک و قوشماقدان گلیر
ائله بیر ائوین بنا ائدیلمه‌سینده فرقلی اجزا تیکیلیب و وصل اولورلار
آنجاق بیری فارسلارا اؤزونو شیرین‌لتمک اۆچون ائو دۆزه‌لتمک، ائو سالدیرماق، ائو قاییرماق، ائو تیکدیرمک، ائو قورماق فئعل‌لری‌نین آنلامین بیلمه‌دن دؤنوب بو درین آنلاملی سؤزلری خالقی‌نین تحقیری اۆچون ایشله‌تسه بللی‌دیر هارا باغلی‌دیر.

۵. فقط ما ترکها کپی را درمیاوریم بقیه میزنند
مگر کوپی(کاغیذ) وورمالی و دؤیمه‌لی بیر شئی‌دیر؟ زدن مورد اصابت و دؤیمک آنلامیندادیر اؤزلری ده بیلیرلر اۆزوندن چیخارتماق؛ عئینا ظاهیر ائتمکدیر.

۶. فقط ترکها شوهر میروند(اره گئدیریک)، بقیه شوهر میکنند.
بو سؤزو یازانلار بیلمه‌ییرلر کردن فارس دیلینده نه آنلامدا؟ شوهر کردن ذاتا یانلیش بیر سؤزدور، و ائله دۆزو ار ائوینه گئتمک‌دیر
ار: ایگید ـ کیشی آنلاملارینی داشیییر و اره گئتمک، ار ائوینه گئتمک سؤزونون قیسساسی‌دیر.

و بونلارا تای آنلامسیز پوستلاردان چوخ گؤرونور، آنجاق بیر اساس مساله وار، بو آخاقجانین ادمین‌لری هله طنز و لووغالیغین فرقلرینی باشا دۆشمه‌ییبلر.

طنز لاپ خوشدور و تاریخ بویو تۆرکلر،حاکمییتلرین ان سیخینتیلی چاغ‌لاریندا، جلیل محمدقلی‌زاده‌نین ماللانصرالدین درگیسی و میرزا‌علی‌اکبرصابیرین هوپ هوپ‌نامه کیمی کیتابلارلا، اؤز اعتیراض‌لارینی بیلدیریب و میللتی اویالتماغا آددیم آتیبلار،
آنجاق اؤزلری بیلمه‌ییر اونلارین فارس آخاقلاریندان [ دیوونه‌خونه، هویج، میدانستی و... کاناللاریندان ] گؤتوردوکلری(اوغورلادیقلاری) مطلبلری و یانلیش بیر ادبییات و قیرامئرله تۆرکجه‌یه چئویریب،پایلاشدیقلاری شکیل‌لر و یایدیقلاری گۆلمه‌لی سؤزلرینین؟؟!!! چوخو، اؤنجه‌دن او آد آپاردیغیمیز آخاقلاردا یاییملانیب اوخونموشدورلار.

هر حال سؤزون سونوندا دیللری قییاس ائتمک و سؤزجوکلری‌نین آنلاملارینی باشقا دیلده ترس حالدا چئویرمک و فارسلارا قوللوق ائتمک اۆچون، تۆرکجه‌میزین بو گۆجلولوکده قیرامئر و قایدا ـ قورالینی کیچیلتمک و ۲۴۰۰۰ فئعلدن تکجه بیر ناقیص فئعلی اولان دیلین فئعل‌لرین لوغازا قویماق، اینسانین آنادان امدیگی سۆتو بورنوندان گتیریب و وطن چؤره‌یینی بیله‌سینه غنیم ائدر [ بختییار واهابزاده دئمیشکن ]
ایستر بو چیرکین ایشی گؤرنلر؛ زهله‌میز گئدن و ساوادسیز سانال لووغالاری(لووقالاری) اولسونلار، ایستر هر کیم.

تاریخ
2020.01.16 / 23:16
مولف
داودعبدی
شرح لر
دیگر خبرلر

تخریب استخر پساب معدن طلای اندیرگان تهدید حیات هزاران انسان

قدمت زبان تورکی و مغلطه‌های آذری‌گرایان

افزایش بیماران کرونایی و خستگی کادر درمان بیمارستانها

کورونایا گؤره چوخ ساغ اول، الله!

"الهی ایلدیریم گؤندر جهالت پرده‌سین یاندیر!" شبیسترلی معجوز

تبریز درباریندا یاشایان قدرتلی ملکه؛ دئسپینا خاتون- بیرینجی بؤلوم

میرزه حسن رشدیه‌نین عؤمور یولو و یارادیجلیغی- داوامی

سئوالات مهم در مقابله با شیوع کوئید-19

به بهانه پخش چندین باره فیلم از تلوزیون از سولدوز تا پاوه با رنگ تبعیض

تحریف تاریخ و ماهیت آن

خبر خطّی
 
Axar.az'da reklam Bağla
Reklam
Bize yazin Bağla