آپرئل دؤیوشلرینی خاطیرلاییرام. بوتون جمعیت سفربر اولموشدو. هره الینه بیر باغلاما گؤتوروب کوچه‌لره چیخمیشدی، عسگرلریمیزه یئمک، سو گؤندرمه‌یه چالیشیردی. همین واخت دوشونموشدوم کی، آذربایجان اینسانینین میللی شعورو بوتؤودور و محکم دایاقلار اوزرینده قورولوب.

اصلین‌ده ایسه گلین باخیب گؤرک نئجه‌دیر...

کوروناویروسلا باغلی آذربایجان‌دا هیجان زنگی چالینیر... اما کیملرسه بو زنگی ائشیتمیر.

اولجه آپتئکلرده ۱۰ قپیک‌لیک ماسکانی ۷۰-۸۰ قپییه ساتماغا باشلادیلار. ایندی ایسه ساتمیرلار، ییغیب ساخلاییبلار کی، قیمتی قالخسین. بونو ائلین یاد اؤلکه‌نین نماینده‌سی دئییل، آذربایجان‌لیلاردیر.

اونلاری اوشاقلارین، قادینلارین کوتلوی شکیل‌ده بو ویروسا یولوخوب اؤلجیی ناراحات ائتمیر. یالنیز اؤز جیبلرینی دوشونورلر. میللتین بالالارینی ۵-۱۰ قپییه ساتیرلار.

اؤزو ده بئله‌لری بیر دئییل، ایکی دئییل، یوزلرله‌دیر.

بو اونو گؤستریر کی، آذربایجان اینسانین میللی شعورو، میللت‌چی‌لیک تفکرو یالنیز قاراباغ مناقیشه‌سین‌ده اوزه چیخیر، تکجه ارمنیلره قارشی مسئله‌لرده ایشلییر. قالان بوتون حاللاردا اینسانلار ان عادی چتین‌لیک‌ده بئله بیر-بیرینه دوشمه‌ن اولماغا هازیردیرلار.

ائله کوروناویروس تهولکه‌سین‌ده اولدوغو کیمی...

کوروناویروسون باکترولوژی سلاح اولماسی حاق‌دا اساس‌لی ادعالار وار. بئله چیخیر کی، کیم‌سه بو «سلاح»لا آذربایجانا هجوم ائتسه، ائله اؤزوموز اؤزوموزو قیریب اؤلدورجییک؟ بیرلشمک اوچون موطلق توپ-توفنگ هوجومونا معروض قالمالیییق؟

دئیی‌لنه گؤره، بعضی ساهیبکارلار، ایشبازلار ماسکالاری باها قیمته حتی چینه ساتیرلار. تصور ائدین، جاماعات بوردا اؤلوم تهلوکه‌سی ایله اوز-اوز‌دیر، اما هان‌سی‌سا آذربایجان‌لی ساهیبکار اؤز ثروتینی بیر آز دا آرتیرماغی دوشونور.

اینسانلاریمیز خالقین چتین دورومون‌دان ایستیفاده ائتمه‌یه باشلاییبلار. مسئله دوشوندویوموزدن ده جدیدیر.

تکجه «بؤیوک خالقیق» دئییب کئچمیشله اؤیونمکله کیفایت ائتمیر. بیر میللتین ساغلام گلجیی اوچون اونون تکجه زنگین کئچمیشه یوخ، هم ده پارلاق بوگونه صاحب اولماسی گرک‌دیر.

بیزیم جمعیتین بوگونو ایسه پارلاق دئییل، جزعی ایشارتی وار، او دا سؤنمک اوزره‌دیر. اؤزوموزو آلداتمایاق. نه قدر کی گئج دئییل، خولیادان آییلیب بوتون بو ائیبجرلیکلری تمیزله‌مک، یئنی مودئل، تفککور فورمالاش‌دیرماق لازیم‌دیر.

ماسکایا طلباتین داها دا آرتماسینی گؤزله‌ییب اونو ساتمایان و اینسانلاری اؤلومله اوز-اوزه قویان مخلوقلارین اولدوغو جمعیت چوروک‌دور. بونا اعتراض ائتمه‌ییب، ساده بیر اجزاچی‌دان بئله حاقینی طلب ائتمه‌یه‌ن جمعیت ایسه ایکیقات چوروک‌دور.

طبیعی، آیدین مسئله‌دیر کی، بو سؤزلری‌می هر کسه عایید ائتمیرم. اؤلکه‌ده او ماسکالاری آلیب جامااتا پول‌سوز پایلاماغا حاضر اولان یوزلرله اینسان وار. اما بیر حقیقت ده وار: آلمانین بیر یئری چوروک اولان‌دا دئمیرلر کی، آلمانین فیلان حیسه‌سی چوروک‌دور. دئییرلر، آلما چوروکدور.

مسئله ده بودور.

سون‌دا اونو دئمک ایستییرم کی، بو ماسکا صحبتی بیر چوخلارینین ماسکاسینی چیخاردی و بیز او ماسکانین آلتین‌دا ائقویست بیر دیو گؤردوک.

تئزلیکله او دیوی اؤلدورملیگیک، یوخسا اؤولادلاریمیزی یئیه‌جک.