راسیست و فاشیست کیمی تانینمیش "حزب پان ایرانیست ایران" محفلی نین نابرابرلیک و راسیستلیک علامت و سیمگه سینی ماراغادا آذربایجان ملی و مدنی فعاللاری اودا چکمیشلر دئیه ندن یانا جمهوری ایسلامی نین امنیتی مأمورلاری آذربایجان تورکلوگونون ملی و مدنی فعاللارینی احضار ائتمیشلر؟

جاواب: ایران ممالیکی محروسه سینده فارسلیق حؤکوم سوردوگو، فارسلیغین دیشیندا هرهانکی بیر ملی و مدنی محفللره قانونی اجازه وئریلمدیگی اوچون "حزب پان ایرانیست ایران" تشکیلاتی فارسلیغی اساس گؤتوردوگو اوچون رسمی اولاراق بوگون حاکیمیتده اورتاق و مشترک اولمازسا دا، بو حاکیمیتین "دؤلت موقت انقلاب ایسلامی ایران" آدلی کابینه سینده داریوش فروهرلر تمثالیندا "حزب ملت ایران" دئیه حضورلاری اولموش. دئمک، بوگونکو فارس جمهوری ایسلامی حؤکومتی ایله پان ایرانیست محفلینی بیربیرلریندن آییرد ائدن و فرقلندیرن فارسلیق و فارس راسیستلیک آنلاییشلاری دئییل، فارسلیق آنلاییشینی "ایرانیت" دئیه "شیعه و زبان فارسی" یوخسا "زبان فارسی و زردشتیگری" آنلاییشلاری اساسیندا یوروماقلاری، تعبیر و تفسیر ائتدیکلری ساییلار. بو باخیمدان فارس دیلی و مدنیتینی اساس گؤتورموش تشکیلاتلار آراسیندا ایدئولوژی دئیه کیچیک فرقلر گؤرونمکده-دیر. بو فرقلر فارسلیغی اساس گؤتورموش بوتون فارس تشکیلاتلاری، او جومله-دن حزب پان ایرانیست، حزب پرگهر، حزب نژاد پرست جبهه ملی، حزب نهضت آزادی، حزب جنبش مسلمانان مبارز، حزب جمهوری اسلامی، سازمان مجاهدین انقلاب اسلامی، سازمان مجاهدین خلق، سازمان فدائیان خلق، سازمان راه کاگر، حزب توده، حزب کمونیست کاگری، حزب توفان آدلی محفللر فارسلیغی تمثیل ائتدیکلری اوچون بیربیرلرینه قارشین کیچیک ایدئولوژی فرقلی فارس ایستعمارچیلیق محفللری و تشکیلاتلاری ساییلار.