یوخاری

آوروپا تاریخچی‌لرینین "شرق‌شناسلیق" سیاستی

آنا صحیفه یازارلار
12 Punto 14 Punto 16 Punto 18 Punto

آوروپانین آدی چوخ بؤیوک‌دور. بوتون ساحه‌لرده تؤرتدییی محصول‌لار کیمی دوشونجه ساحه‌سینده ده اونلارین سؤزلری برَند (مارک) ساییلیر. مثلاً اؤز ایچیمیزدن بیریسی چوخ دوشوندوروجو بیر سؤز دانیشسا دا، چوخ جدی سایماریق. آما همن سؤزو بیر آوروپالی دئسه، مسأله باشقا بیر مسأله اولار!

قاجار زامانیندان بری، آوروپالی‌لار ایران تاریخینی آراشدیرماغا باشلادیلار. ایرانلی‌لار دا چوخ کئف ائله‌دیلر کی او قدر مهم آدام‌ اولوبلار و او قدر زنگین کئچمیش‌لری واردیر کی آوروپالی‌لار اونلارین تاریخ‌لرینه وورغون اولموشلار. بیر حالدا کی آوروپالی‌لار ایرانین آلا گؤزونه قارا قاشینا عاشیق دئییلمیشلر، بلکه بوتون ساحه‌لرده اولدوغو کیمی تاریخ ساحه‌سینده ده اؤز ماراق‌لارینین پئشینده ایمیش‌لر.

صنعتی انقلابین نتیجه‌سینده گونو گوندن گوجله‌نن آوروپا اؤلکه‌لری بیر یاندان اوجوز و حتی پولسوز ایشله‌ین ایشچی‌لره، بیر یاندان دا خام ماده‌لره احتیاج دویوردولار. بونون اوچون ده سؤمورگه‌چیلیک سیاستینی باشلامیشدیلار. بئله‌لیک‌له، استعمار ائتدیک‌لری اؤلکه‌لردن ایسته‌دیک‌لری خام ماده‌لری و ایشچی‌لری اله گتیره بیلیردیلر.

آنجاق، بو آرادا، هله ده آوروپایا باش اَیمه‌یَن بیر گوج وار ایدی. او دا تورک‌لرین گوجو ایدی. دوزدور کی اون سککیزینجی یوز ایللیک‌دن بویانا نه عوثمانلی امپراتورلوغوندا و نه ده ایران تورک امپراتورلوقلاریندا او گوج قالمامیشدی کی آوروپالی‌لارا مئیدان اوخویالار. آما هر نه اولسایدی دا آسلانین قوجاسی دا آسلان ساییلیردی و آوروپالی‌لار بو قوجا آسلان‌لارین دیش‌لرینی چکمک ایسته‌ییردیلر. قیساجا دئسم، اون‌سککیزینجی یوزایللیک‌دن بویانا سؤمورگه‌چی اؤلکه‌لرین ایلکین آماجی بو ایکی تورک امپراتورلوغونو آرادان آپارماقمیش.

اصلینده، آوروپالی‌لارین "شرق‌شناسلیق" دئیه بیر بیلیم اولوشدورمالاری و دوغو اؤلکه‌لرین تاریخ‌لرینی آراشدیرماغا چابا گؤسترمه‌لری، اونلارین ائله بو سؤمورگه‌چیلیک سیاست‌لرینین اوغروندا باش وئرمیشدی. دئمک، آوروپا تاریخچی‌لرینین ایران تاریخینه ماراق گؤسترمه‌لری بو اؤلکه‌نین تاریخی تمل‌لرینی اولدوغو کیمی تانیییب تانیتدیرماق دئییلمیش، بلکه اونلارین آماجی سؤمورگه‌چیلیک سیاستینین ماراق‌لارینی گئرچکلشدیرمک ایمیش.

"ایران تاریخی آراشدیرمالاری" آدی آلتیندا فارس‌لارین تاریخینی قابارتماق و تورک‌لرین تاریخینی آشاغیلاماق یالنیز سؤمورگه‌چیلیک سیاستینین ماراق‌لاری اوزره ایدی! آنجاق، آوروپالی‌لار اؤز ایش‌لرینده باشاریلی اولدولار. اونلارین اویدوردوقلاری تاریخ متن‌لرینین سونوجو اولاراق، ایران‌دا نه تکجه فارس‌لار بلکه غیرفارس‌لار و حتی تورک‌لر ده "آنتی‌تورک" بیر ذهنیته یییه‌لندیلر. بئله‌لیک‌له، قاجار تورک امپراتورلوغونو ییخماقدا و فارسچی پهلوی رژیمینی ایش اوسته گتیرمکده، تورک‌لرین، بلکه ده فارس‌لاردان داها چوخ، نقش‌لری اولدو!

تاریخ
2019.11.13 / 10:17
مولف
محمد رحمانی فر
شرح لر
دیگر خبرلر

نه آغلارسان، نه سیزلارسان، بیر دردی بئش اولان کؤنلوم...

تبریز دلیلری بیزی اؤزباشینا بوراخدی... – تبریزلی یازار

تبریزلیلره آچیق مکتوب: او کیشی کیمدیر؟

هیمنیمیزه غضبیمیز واردی، میزیلدانیردیق…

ارمنی تعصبو چکه‌ن «بایقوش» آذربایجانلیلار

ارمنیلر بو دعوتی قبول ائتمیرلرسه…

فاجعه اؤنوندییک: رژیمدن حاقیمیزی زورلا آلمالیییق!

سیز ۴۰ میلیونو اونوتموسوز – بایرامینیز مبارک

ارمنیلرین تهدید ائتدیی لو عسگروو وفات ائتدی

سلیمانی‌دن باکییا گؤره تهرانا سنساسیون اتهاملار

خبر خطّی
Axar.az'da reklam Bağla
Reklam
Bize yazin Bağla